371 ¦ ശരീരവേദന ¦ BODY ACHE

371 ¦ ശരീരവേദന ¦ BODY ACHE

371 ¦ ശരീരവേദന ¦ BODY ACHE

രണ്ടു ഗ്രാം ഉലുവ പൊടിച്ചത് , രണ്ടു ഗ്രാം ജീരകം പൊടിച്ചത് – ചൂടു പാലില്‍ പഞ്ചസാര ചേര്‍ത്തു സേവിക്കുക. ദിവസം രണ്ടു നേരം. ശരീരവേദന ശമിക്കും.

Advertisements
Posted in ഗൃഹവൈദ്യം | HOME REMEDIES | Tagged , | Leave a comment

370 ¦ കൊടിഞ്ഞി ¦ ചെന്നിക്കുത്ത് ¦ Migraine

370 ¦ കൊടിഞ്ഞി ¦ ചെന്നിക്കുത്ത് ¦ Migrane

370 ¦ കൊടിഞ്ഞി ¦ ചെന്നിക്കുത്ത് ¦ Migrane

തലവേദന. ചിലപ്പോള്‍ അസഹ്യമാകാം. രാവിലെയോ വൈകുന്നേരമോ പതിവായി ഒരേ സമയത്ത് ഉണ്ടാകാം. സൂര്യോദയത്തോടെ വേദന ഉണ്ടാകുന്നതിന് സൂര്യാവര്‍ത്തം എന്ന് പേര്. രാവിലെ ഉണ്ടാകുന്ന വേദനയെ സൂര്യക്കൊടിഞ്ഞി എന്നും വിളിക്കാറുണ്ട്. പഴയ കേട്ടറിവ് പ്രകാരം വയറ്റിനു പിടിക്കാത്ത ആഹാരം കഴിച്ചാല്‍, വെയിലടിക്കാതെ വീട്ടിനുള്ളില്‍ ജീവിച്ചു ശീലിച്ചവരില്‍ പെട്ടന്നു വെയില്‍ ഏല്‍ക്കേണ്ടി വരുമ്പോള്‍, കണ്ണിന്റെ അസുഖം മൂലം ഒക്കെ ഈ തലവേദന ഉണ്ടാകാം. തലച്ചോറിലെ രക്തപ്രവാഹത്തില്‍ ഉണ്ടാകുന്ന വ്യതിയാനം മൂലം കൊടിഞ്ഞി ഉണ്ടാകുന്നു എന്ന് എവിടെയോ വായിച്ചിട്ടുണ്ട്. വെളിച്ചത്തെയും ശബ്ദത്തെയും സഹിക്കാന്‍ പറ്റാതെ വരിക, കണ്ണ് തുറക്കാന്‍ വിഷമിക്കുക, ഓക്കാനം, ചര്‍ദ്ദി തുടങ്ങിയ വിഷമതകള്‍ ഉണ്ടാകുക തുടങ്ങി പല വിഷമങ്ങള്‍ ഉണ്ടാകാം.(കൂടുതല്‍ വിവരങ്ങള്‍ അറിവുള്ള വൈദ്യന്മാരോടു ചോദിച്ചു മനസിലാക്കുക)

കൊടിഞ്ഞിയ്ക്ക് പെരിങ്ങലം കൊണ്ടുള്ള പ്രയോഗം അനുഭവത്തില്‍ ക്ഷിപ്രഫലദായകമായി കണ്ടിട്ടുണ്ട്. ചെയ്തു നോക്കിയവര്‍ തിരികെ വന്നു പറഞ്ഞിട്ടുണ്ട്. തലവേദന ഉണ്ടാകുമ്പോള്‍ പെരിങ്ങലത്തിന്റെ തളിരില തൊട്ടുരിയാടാതെ പറിച്ചെടുത്ത് കൈവെള്ളയിലിട്ടു വെള്ളം തൊടാതെ ഞെരുടി പിഴിഞ്ഞു നീരെടുത്ത് കാലിന്റെ പെരുവിരലിന്റെ നഖത്തില്‍ ഒഴിച്ച് തളംകെട്ടി നിര്‍ത്തിയാല്‍ അല്പം സമയം കൊണ്ട് തലവേദന മാറും. ഒരുവേരന്‍, പെരിങ്ങലം, പെരുകിലം, പെരുക്, പെരു, വട്ടപ്പെരുക് അങ്ങനെ പല പേരുകള്‍ ഉണ്ട് ഈ ഔഷധസസ്യത്തിന്. വലതുവശത്താണ് വേദന തോന്നുന്നതെങ്കില്‍ ഇടത്തേ കാലിലെ പെരുവിരല്‍നഖത്തിലും, ഇടതുവശത്താണ് വേദന തോന്നുന്നതെങ്കില്‍ വലത്തേ കാലിലെ പെരുവിരല്‍നഖത്തിലും ആണ് ഒരുവേരന്റെ നീര് ഒഴിച്ചു നിര്‍ത്തേണ്ടത്. ഒരുവേരനാണ് ഏറ്റവും ഫലപ്രദമെങ്കിലും പകരം തുമ്പ സമൂലം പിഴിഞ്ഞ നീരോ, കൃഷ്ണതുളസി ഇലയുടെ നീരോ, മുയല്‍വിയന്റെ നീരോ ഉപയോഗിച്ചാലും ഫലം കിട്ടും.

അക്കിക്കറുക അരച്ചു നെറ്റിയില്‍ പുരട്ടുകയും അക്കിക്കറുക വെള്ളം തൊടാതെ ചതച്ചു പിഴിഞ്ഞെടുത്ത നീര് നാലു തുള്ളി വരെ ഓരോ നാസാദ്വാരത്തിലും നസ്യം ചെയ്യുകയും ചെയ്താലും കൊടിഞ്ഞി മൂലം ഉള്ള തലവേദന ശമിക്കും.  ചുവന്നുള്ളി ചതച്ചു വെള്ളത്തില്‍ ഇട്ട്, ആ വെള്ളം അരിച്ചെടുത്ത്, രണ്ടു നാസാദ്വാരങ്ങളിലും നസ്യം ചെയ്യുന്നതും കൊടിഞ്ഞി തലവേദന ശമിക്കാന്‍ സഹായിക്കും.

മായമില്ലാത്ത വെളിച്ചെണ്ണയില്‍ ഒരു കഷണം ഉണക്കമഞ്ഞള്‍ മുക്കി നിലവിളക്കിന്റെ നാളത്തില്‍ കത്തിച്ച്, നന്നായി കത്തുമ്പോള്‍ മഞ്ഞളിലെ തീയ് കെടുത്തി, ഒരു കടലാസുകുമ്പിള്‍ ഉപയോഗിച്ച് മഞ്ഞളില്‍ നിന്ന് ഉയരുന്ന പുക നല്ലവണ്ണം ശ്വസിച്ചാല്‍ കൊടിഞ്ഞിക്കുത്ത് ശമിക്കും.

നല്ല മഞ്ഞള്‍പ്പൊടി ആവണക്കെണ്ണയില്‍ കുഴച്ച് വൃത്തിയുള്ള തുണിയില്‍ തേച്ചു പിടിപ്പിച്ച്, ആ തുണി തിരിയാക്കി കത്തിച്ച് പുകവലിച്ചാല്‍ തലവേദന പെട്ടന്നു ശമിക്കും.

മുക്കുറ്റി തൊട്ടുരിയാടാതെ പറിച്ചെടുത്ത് നന്നായി അരച്ച് ചെന്നിയില്‍ പുരട്ടിയാല്‍ തലവേദനയ്ക്ക് പെട്ടന്ന് ആശ്വാസം കിട്ടും.

പൂവാംകുറുന്നില, കീഴാര്‍നെല്ലി, കായം മൂന്നും നന്നായി ചതച്ചു ചേര്‍ത്ത് തലയില്‍ വേദന തോന്നുന്ന വശത്തിന്റെ വിപരീതവശത്തെ കൈയ്യുടെ പെരുവിരലില്‍ വെച്ചുകെട്ടുക, ഇടയ്ക്കിടെ നനച്ചു കൊടുക്കുക, തലവേദന ശമിക്കും.

കാട്ടുകടുക് (കരിങ്കടുക്) ഇടിച്ചു പിഴിഞ്ഞ് സത്ത് എടുത്ത് സമം നല്ലെണ്ണ ചേര്‍ത്തു കാച്ചി നെറ്റിയിലും ചെന്നിയിലും നിറുകയിലും ഇട്ടാല്‍ ചെന്നിക്കുത്ത് ശമിക്കും.

പതിവായി ത്രിഫലാചൂര്‍ണ്ണം തേനില്‍ ചാലിച്ചു കഴിക്കുന്നത്‌ കൊടിഞ്ഞി മൂലം കഷ്ടപ്പെടുന്നവരില്‍ ഗുണം ചെയ്യും. വേവിച്ച ഉഴുന്നുപരിപ്പ് രാത്രിയില്‍ കിടക്കുംമുമ്പ് കഴിച്ച്, പിറകെ പാല്‍ കുടിക്കുന്നതും കൊടിഞ്ഞി കൊണ്ടു വിഷമിക്കുന്നവര്‍ക്ക് ഗുണകരമാണ്.

കരിംജീരകമോ, അയമോദകമോ പൊടിച്ച് ചെറിയ കിഴിയാക്കി കെട്ടി ഇടയ്ക്കിടെ മണപ്പിക്കുക; തലവേദന ശമിക്കും.

ചുക്ക് നന്നായി പൊടിച്ചത് വെള്ളത്തില്‍ ചാലിച്ചു കുഴമ്പുപരുവമാക്കി നെറ്റിയിലിട്ടാല്‍ തലവേദന ശമിക്കും.

കൃതഹസ്തരായ വൈദ്യന്‍മാരരില്‍ നിന്നും  അറിഞ്ഞ കാര്യങ്ങള്‍ മാത്രമാണ് ഇവ. പ്രയോഗിക്കുംമുമ്പ് അറിവുള്ള വൈദ്യന്മാരുടെ ഉപദേശം തേടുക.

കുറിപ്പ്:

ഇനിയും കുറെ പ്രയോഗങ്ങള്‍ www.arogyajeevanam.org ബ്ലോഗില്‍ പല തവണ ചര്‍ച്ച ചെയ്തിട്ടുണ്ട്.  ഒട്ടുമിക്കതും സ്വാമി നിര്‍മ്മലാനന്ദഗിരി മഹാരാജിന്റെ ഒസ്യത്തില്‍ നിന്നാണ്. പഠിക്കുക, പ്രചരിപ്പിക്കുക, അറിവിനെ ജനകീയമാക്കുക. കോപ്പിറൈറ്റ് ഇല്ല.

Posted in AYURVEDA | ARTICLES, ഔഷധസസ്യങ്ങള്‍ | MEDICINAL PLANTS, ഗൃഹവൈദ്യം | HOME REMEDIES | Tagged , , , | Leave a comment

369 ¦ പ്രമേഹം ¦ Diabetes

369 ¦ പ്രമേഹം ¦ Diabetes

369 ¦ പ്രമേഹം ¦ Diabetes

പ്രമേഹം നിയന്ത്രിക്കാന്‍ സിദ്ധൌഷധമത്രേ കാട്ടുജീരകം. പ്രമേഹത്തിന് ഗുളികകള്‍ വിഴുങ്ങുന്നവര്‍, ഇന്‍സുലിന്‍ കുത്തിവെയ്പ്പ് എടുക്കുന്നവര്‍, തുടക്കകാര്‍ – എല്ലാവര്‍ക്കും കാട്ടുജീരകം ഗുണം ചെയ്യും.

ലഘുവായ തോതില്‍ പ്രമേഹം ഉള്ളവര്‍ കാട്ടുജീരകം ഇട്ടു തിളപ്പിച്ച വെള്ളം നിത്യേന കുടിച്ചാല്‍ രോഗം ശമിക്കും. ചുക്കോ ജീരകമോ ഒക്കെ ഇട്ടു വെള്ളം തിളപ്പിച്ച്‌ കുടിക്കുന്നതു പോലെ കാട്ടുജീരകം ഇട്ടു വെള്ളം തിളപ്പിച്ച്‌ കുടിക്കാം.

നിത്യവും ഇന്‍സുലിന്‍ ഉപയോഗിക്കുന്ന രോഗികള്‍ക്കു പോലും കാട്ടുജീരകം കഷായം വെച്ചു സേവിക്കുന്നതു വഴി കുത്തിവെയ്പ്പ് ഒഴിവാക്കാന്‍ പറ്റുമെന്ന് ആചാര്യമതം. അറുപതു ഗ്രാം കാട്ടുജീരകം കഷായം വെച്ച് (ഒരു ഇടങ്ങഴി വെള്ളത്തില്‍ വെന്ത്, നാഴിയാക്കി വറ്റിച്ച്) രണ്ടു നേരമായി മുടങ്ങാതെ ഒരു മാസം നിത്യവും കഴിച്ചാല്‍ ഫലം നിശ്ചയം.

കാട്ടുജീരകം, ജീരകം, അയമോദകം, ഉലുവ ഇവ തുല്യമായി എടുത്ത് വറുത്ത് പൊടിച്ച്, ഓരോ ടീ സ്പൂണ്‍ പൊടി ചൂടുവെള്ളത്തില്‍ കലക്കി, ദിവസം മൂന്നു നേരം കഴിക്കുന്നതും പ്രമേഹത്തെ ശമിപ്പിക്കും.

പെരിങ്ങലത്തിന്‍റെ രണ്ട് തളിരിലയും ഒരു ടീസ്പൂണ്‍ കാട്ടുജീരകവും ചേർത്തരച്ച് ഭക്ഷണത്തിന് ശേഷം കഴിച്ചാൽ പ്രമേഹം ശമിക്കും.

കാട്ടുജീരകം കരിഞ്ജീരകം അല്ല. ജീരകത്തെക്കാള്‍ അല്പം വലുപ്പം കൂടുതല്‍ ആണ് കാട്ടുജീരകത്തിന്, നിറം കറുപ്പാണ്.

Posted in ഔഷധസസ്യങ്ങള്‍ | MEDICINAL PLANTS, ഗൃഹവൈദ്യം | HOME REMEDIES, Uncategorized | Tagged , | Leave a comment

368 ¦ വിരൽച്ചുറ്റ് ¦ കുഴിനഖം

368 ¦ വിരൽച്ചുറ്റ് ¦ കുഴിനഖം ¦ Onychocryptosis ¦ In grown nails

368 ¦ വിരൽച്ചുറ്റ് ¦ കുഴിനഖം ¦ Onychocryptosis ¦ In grown nails

വിരൽച്ചുറ്റ് – ലളിതമായ പ്രതിവിധികൾ

നാട്ടിലെത്തിയപ്പോൾ അയലത്തെ ഒരു സുഹൃത്തിന് വിരൽച്ചുറ്റ്. നഖം കറുത്ത്, ആകെ മൊത്തത്തിൽ നഖത്തിന്റെ ഭാഗം വീർത്ത് വേദനയുണ്ടാക്കുന്ന ഒരു അവസ്ഥ. നഖത്തിന്റെ ഇടയിൽ അഴുക്കുകൾ അടിഞ്ഞു കൂടി അവിടെ കൃമികൾ പെരുകുക ജലം പഴുപ്പും ദുർഗന്ധവും. ഈ അവസ്ഥയ്ക്ക് എന്റെ കുട്ടിക്കാല ഓർമ്മകളിൽ ഉള്ള ഒരു ലൊടുക്ക് പ്രയോഗമുണ്ട് – വണ്ണമുള്ള ചേമ്പിൻ തണ്ട് സംഘടിപ്പിച്ച്, വിരൽ നീളത്തിൽ മുറിച്ചെടുത്ത് ഉൾഭാഗം തുരന്ന് രോഗം ബാധിച്ച വിരൽ അതിനുള്ളിൽ കടത്തി മൂടി വെയ്ക്കും. കുറച്ചു ദിവസങ്ങൾ കൊണ്ട് രോഗം ശമിക്കും. സുഹൃത്തിനെ ആ പഴയ വിദ്യ ഓർമ്മപ്പെടുത്തി. കീറാൻ ഡോക്ടറെ കാണാൻ പോയ കക്ഷി തല്ക്കാലം തിരികെ വീട്ടിൽ പോയി. ചേമ്പ് ഞങ്ങളുടെ നാട്ടിൽ സുലഭമാണ്.

വിരൽച്ചുറ്റിന് കണ്ടും കേട്ടും അറിഞ്ഞ ഒരു പിടി പ്രയോഗങ്ങൾ വേറെയുമുണ്ട്.

മഞ്ഞൾപ്പൊടിയും, ഉപ്പുവെള്ളവും, നെല്ലണ്ണയും ചേർത്ത് പാകത്തിന് ചൂടാക്കി വിരലിൽ തുടരെ തുടരെ ധാര കോരുന്ന പ്രയോഗം സ്വാനുഭവത്തിൽ അതീവ ഫലപ്രദം.

ചേമ്പിൻ തണ്ട് പ്രയോഗം പോലെ, ചെറുനാരങ്ങ തുരന്ന് വിരൽ അതിനുളളിൽ കടത്തി മൂടി വെച്ചാലും വിരൽച്ചുറ്റ് ശമിക്കും.

കറ്റാർവാഴപ്പോളനീരിൽ മഞ്ഞൾപ്പൊടി ചേർത്ത് ആവണക്കെണ്ണയിൽ ചാലിച്ച് ചൂടാക്കി ചെറുചൂടോടെ വിരലിൽ പുരട്ടിയാൽ രോഗം പെട്ടന്ന് തന്നെ ശമിക്കും.

വളരെ ലളിതമായ മറ്റൊരു പ്രയോഗം – ചുവന്നുള്ളിയും ഉപ്പും ചേർത്തരച്ച് വിരലിൽ നന്നായി കനത്തിൽ പൊതിഞ്ഞു കെട്ടി ഉണങ്ങുമ്പോൾ വിരൽ ചൂടുവെള്ളം കൊണ്ട് കഴുകി വൃത്തിയാക്കി വീണ്ടും പ്രയോഗം തുടർന്നാൽ കുറച്ചു നാളുകൾ കൊണ്ട് പൂർണ്ണമായും ശമിക്കും.

ഇതൊന്നും നടന്നില്ലെങ്കിൽ വിരലിൽ കത്തിവെച്ചാൽ പോരെ?

കുറിപ്പ് : ഈ വിഷയത്തിൽ സ്വാനുഭവമുള്ള പ്രയോഗങ്ങൾ പങ്കുവെയ്ക്കാൻ താല്പര്യമുള്ളവർ ദയവായി പങ്കുവെയ്ക്കുക. അറിവിനെ കൂടുതൽ ജനകീയമാക്കുക.

ⒶⓃⓉⒽⒶⓋⒶⓈⒾ

Posted in AYURVEDA | ARTICLES, ഗൃഹവൈദ്യം | HOME REMEDIES | Tagged , , , | Leave a comment

367 ¦ മുടി കൊഴിച്ചില്‍ ¦ താരന്‍

367 ¦ മുടി കൊഴിച്ചില്‍ ¦ താരന്‍

367 ¦ മുടി കൊഴിച്ചില്‍ ¦ താരന്‍

367 ¦ മുടി കൊഴിച്ചില്‍ ¦ താരന്‍

നാട്ടിന്‍പുറങ്ങളില്‍ അമ്മമാര്‍ ചെയ്തിരുന്ന ഒരു ലളിതമായ പ്രയോഗമാണിത്.

മുടികൊഴിച്ചില്‍ കുറയാനും താരന്‍ ശമിക്കാനും നാടന്‍ ചെമ്പരത്തിയുടെ ഇലകളും പൂവുകളും ഇട്ടു കാച്ചിയ വെളിച്ചെണ്ണ അവര്‍ ഉപയോഗിച്ചിരുന്നു. ചെമ്പരത്തിയുടെ പതിനഞ്ച് ഇലകള്‍ നന്നായി ചതച്ച് / അരച്ച് 100 മില്ലി തേങ്ങാപ്പാലിലോ ശുദ്ധമായ വെളിച്ചെണ്ണയിലോ ചേര്‍ത്ത് കാച്ചി അരിച്ചു സൂക്ഷിച്ച്, നിത്യം തലയില്‍ പുരട്ടി കുളിച്ചാല്‍ മുടികൊഴിച്ചില്‍ കുറയും. താരന്‍ ശമിക്കും. ചെമ്പരത്തിയുടെ ഇലകളുടെ ഒപ്പം പൂവുകളും ഉപയോഗിക്കാം.

വിപണിയില്‍ കിട്ടുന്ന എണ്ണകളുടെ പിന്നാലെ ഓടുന്നതിന് പകരം സ്വന്തം വീട്ടില്‍ ഈ എണ്ണ ഉണ്ടാക്കി പരീക്ഷിച്ചു നോക്കുക. ഫലം കിട്ടും. ധനനഷ്ടം ഉണ്ടാവില്ല. ഉറപ്പ്.

 

Posted in ഗൃഹവൈദ്യം | HOME REMEDIES | Tagged , , | Leave a comment

366 ¦ പനി മാറാന്‍ തുളസി ¦HOLY BASIL FOR FEVER

366 ¦ പനി മാറാന്‍ തുളസി

366 ¦ പനി മാറാന്‍ തുളസി

പനി മാറാന്‍ തുളസി

ഒരു പനി വന്നാല്‍ ഉടനെ പാരസെറ്റാമോൾ വാങ്ങാന്‍ മെഡിക്കല്‍ സ്റ്റോര്‍ തേടി ഓടുന്നതിന് മുമ്പ് സ്വന്തം വീട്ടില്‍ ശ്രമിച്ചു നോക്കാവുന്ന ഒരു ലളിതമായ പ്രയോഗം.

60 ഗ്രാം തുളസിയില രണ്ടുനാഴിവെള്ളത്തിൽ വെന്ത് ഒരു നാഴിയാക്കി, പാലും പഞ്ചസാരയും ചേർത്ത് ഒരു ചായകൊടുക്കുക. പനി ശമിക്കും. ഈ ചായ നിത്യവും കഴിക്കാം, പനിയില്ലെങ്കിലും ഒരു പാനീയമായി. കുറച്ച് ഏലത്തരികള്‍ കൂടി ചേര്‍ത്താല്‍ പനി പെട്ടന്നു ശമിക്കും.

ജലദോഷവും ചുമയും ചേര്‍ന്നു വരുന്ന പനികളില്‍ തുളസിയിലയും ഏലത്തരികളും ഒപ്പം കുറച്ചു ഗ്രാമ്പൂവും ചേര്‍ത്തു കഷായം വെച്ചാല്‍ പെട്ടന്നു ഫലം കിട്ടും.

മര്യാദാമസൃണമായി പറിച്ചെടുത്ത ഒരു പിടി തുളസിയിലയോടൊപ്പം, നാലോ അഞ്ചോ കുരുമുളക്‌ ചേര്‍ത്ത് നന്നായി അരച്ച് ഒരു നെല്ലിക്കാവലുപ്പം കഴിച്ചു നോക്കാം. പനി പെട്ടന്നു ശമിക്കും.

ഇതൊന്നും ഫലിച്ചില്ലെങ്കില്‍ പോരെ ഫാക്ടറികളില്‍ പടച്ച രാസവസ്തുക്കള്‍?

Posted in ഗൃഹവൈദ്യം | HOME REMEDIES | Tagged , , | Leave a comment

365 ¦ Cholesterol ¦ കൊളസ്ട്രോള്‍

365 ¦ Cholesterol ¦ കൊളസ്ട്രോള്‍

365 ¦ Cholesterol ¦ കൊളസ്ട്രോള്‍

365 ¦ Cholesterol ¦ കൊളസ്ട്രോള്‍

കറിവേപ്പില ഒരു ജാതിപത്രിയും ചേര്‍ത്ത് അരച്ച് ഒരു നെല്ലിക്കാ വലുപ്പം, മോരില്‍ കലക്കി ദിവസവും രാവിലെ കഴിച്ചാല്‍ കൊളസ്ട്രോള്‍ നിയന്ത്രണത്തിലാകും.

Regualrly having finely pasted curry leaves along with mace of nutmug mixed in butter milk can help control the cholesterol level.

Posted in ഗൃഹവൈദ്യം | HOME REMEDIES | Tagged , | Leave a comment

364 ¦ കണ്ഠരോഗങ്ങള്‍ ¦ അണുബാധ

364 ¦ കണ്ഠരോഗങ്ങള്‍ ¦ അണുബാധ

364 ¦ കണ്ഠരോഗങ്ങള്‍ ¦ അണുബാധ

വെളുത്ത പൂവുള്ള കൊടുവേലിയുടെ വേര്, ഇരട്ടിമധുരം, തുളസി എന്നിവയുടെ കഷായം കണ്ഠരോഗങ്ങളില്‍ ഉത്തമം. 400 മില്ലി വെള്ളത്തില്‍ ശുദ്ധി ചെയ്ത കൊടുവേലിവേരിന്റെ ചൂര്‍ണ്ണം, ഇരട്ടിമധുരത്തിന്റെ (യഷ്ടിമധു) ചൂര്‍ണ്ണം, തുളസിയുടെ ഇലകള്‍ ഇട്ട് വേവിച്ച് നാലിലൊന്നു ഭാഗമാക്കി വറ്റിച്ച് പിഴിഞ്ഞരിച്ചു സേവിക്കാം. തൊണ്ടയില്‍ ഉണ്ടാകുന്ന മിക്കവാറും ബുദ്ധിമുട്ടുകള്‍ ഈ ഔഷധപ്രയോഗം കൊണ്ടു മാറും.

പ്രകൃതിയിലുള്ള ഔഷധികള്‍ ആണ് യഥാര്‍ത്ഥത്തില്‍ ദേവതകള്‍. ആരോഗ്യം അവരുടെ വരദാനമായിരുന്നു. പ്രകൃതിയോട് താദാത്മ്യത്തില്‍ ജീവിച്ചപ്പോള്‍ മനുഷ്യന് ഇന്നു കാണുന്ന രീതിയിലുള്ള അസാല്‍മ്യജരോഗങ്ങള്‍ ഉണ്ടായിരുന്നില്ല എന്ന് അനുഭവസ്ഥരായ ആചാര്യന്മാര്‍ പറയുന്നു. പ്രകൃതിയിലെ ദേവതകളായ ഓഷധികളെ ഉന്മൂലനം ചെയ്യാന്‍ തുടങ്ങിയപ്പോള്‍, പ്രകൃതിയെ താറുമാറാക്കി ജീവിക്കാന്‍ തുടങ്ങിയപ്പോള്‍ അലര്‍ജിയായും മറ്റു പല ആമയങ്ങളായും  മനുഷ്യന് അതിന്റെ ഫലവും കിട്ടാന്‍ തുടങ്ങി. ഒരു തിരിച്ചു പോക്ക് അസാധ്യമെങ്കിലും, ഇന്നും പലതും നമുക്ക് ചെയ്യാം. പ്രത്യക്ഷദേവതകളായ ഓഷധികളെ വീട്ടുവളപ്പിലും, പൂന്തോട്ടങ്ങളിലും ഫ്ലാറ്റിലെ ബാല്‍ക്കണിയിലും വീടിന്റെ ടെറസ്സിലും ഒക്കെ നമുക്ക് വളര്‍ത്താവുന്നതേയുള്ളൂ. അവയുടെ സാന്നിധ്യം ആശുപത്രികളെയും ഡോക്ടര്‍മാരെയും ദൂരെ നിര്‍ത്താന്‍ നിങ്ങളെ സഹായിക്കുമോ എന്ന് ഒന്നു ശ്രമിച്ചു നോക്കുക.

 

Posted in ഗൃഹവൈദ്യം | HOME REMEDIES | Tagged , | Leave a comment

363 ആഹാരം പാല്‍ അലര്‍ജി

363 ആഹാരം പാല്‍ അലര്‍ജി

363 ആഹാരം പാല്‍ അലര്‍ജി

ഭക്ഷണം അലര്‍ജി – പാല്‍ അലര്‍ജി

കുട്ടികളിലും മുതിര്‍ന്നവരിലും ഒരു പോലെ കണ്ടുവരുന്ന പ്രശ്നങ്ങളാണ് പാല്‍ കുടിക്കുമ്പോള്‍ അലര്‍ജി, പഴങ്ങള്‍ കഴിക്കുമ്പോള്‍ അലര്‍ജി എന്നിവ. ആരോഗ്യം പ്രദാനം ചെയ്യുന്ന ആഹാരസാധനങ്ങള്‍ തന്നെ അലര്‍ജി ഉണ്ടാക്കുന്ന അവസ്ഥ!

ഇത്തരം ബുദ്ധിമുട്ടുകള്‍ ഉള്ളവര്‍ക്ക് ശ്രമിച്ചു നോക്കാവുന്ന ലളിതമായ ഒരു ഔഷധപ്രയോഗം. വെള്ള പൂവുള്ള കൊടുവേലിയുടെ വേര് പറിച്ചെടുത്ത് ഉണങ്ങിയെടുത്തോ, അങ്ങാടിമരുന്നുകടയില്‍ നിന്ന് ഉണങ്ങിയ വേര് വാങ്ങിയോ, ശുദ്ധി ചെയ്ത്, പൊടിച്ചു വെച്ച്, അതില്‍ രണ്ടു ഗ്രാം പൊടി, ചൂടുവെള്ളത്തില്‍ കലക്കിയോ, വെള്ളത്തില്‍ ചേര്‍ത്തു തിളപ്പിച്ചോ നിത്യം രാവിലെയും വൈകിട്ടും മുടങ്ങാതെ കുറച്ചുനാള്‍ കഴിച്ചു നോക്കുക. വയറ്റില്‍ ഉണ്ടാകുന്ന പല പ്രശ്നങ്ങളും ശമിക്കും. അജീര്‍ണ്ണം, ദഹനക്കേട്, വിശപ്പില്ലായ്മ, അണുബാധ, വാതജരോഗങ്ങള്‍ തുടങ്ങിയ പല പ്രശ്നങ്ങളും ശമിപ്പിക്കാന്‍ ഈ പ്രയോഗം പര്യാപ്തമാണ്. ഭക്ഷണത്തില്‍ നിന്നുണ്ടാകുന്ന വിഷബാധയിലും ഫലപ്രദം.

കൊടുവേലി ചേര്‍ന്ന പഞ്ചകോലചൂര്‍ണം മേല്‍പ്പറഞ്ഞ പ്രശ്നങ്ങളില്‍ ഫലപ്രദം എന്ന് ആചാര്യന്‍. അറിവുള്ള വൈദ്യന്മാരുടെ ഉപദേശപ്രകാരം അമ്മാതിരിയുള്ള ഔഷധങ്ങള്‍ കഴിക്കുന്നത്‌ അഭികാമ്യം.

പ്രകൃതിയിലുള്ള ഔഷധികള്‍ ആണ് യഥാര്‍ത്ഥത്തില്‍ ദേവതകള്‍. ആരോഗ്യം അവരുടെ വരദാനമായിരുന്നു. പ്രകൃതിയോട് താദാത്മ്യത്തില്‍ ജീവിച്ചപ്പോള്‍ മനുഷ്യന് ഇന്നു കാണുന്ന രീതിയിലുള്ള അസാല്‍മ്യജരോഗങ്ങള്‍ ഉണ്ടായിരുന്നില്ല എന്ന് അനുഭവസ്ഥരായ ആചാര്യന്മാര്‍ പറയുന്നു. പ്രകൃതിയിലെ ദേവതകളായ ഓഷധികളെ ഉന്മൂലനം ചെയ്യാന്‍ തുടങ്ങിയപ്പോള്‍, പ്രകൃതിയെ താറുമാറാക്കി ജീവിക്കാന്‍ തുടങ്ങിയപ്പോള്‍ അലര്‍ജിയായും മറ്റു പല ആമയങ്ങളായും  മനുഷ്യന് അതിന്റെ ഫലവും കിട്ടാന്‍ തുടങ്ങി. ഒരു തിരിച്ചു പോക്ക് അസാധ്യമെങ്കിലും, ഇന്നും പലതും നമുക്ക് ചെയ്യാം. പ്രത്യക്ഷദേവതകളായ ഓഷധികളെ വീട്ടുവളപ്പിലും, പൂന്തോട്ടങ്ങളിലും ഫ്ലാറ്റിലെ ബാല്‍ക്കണിയിലും വീടിന്റെ ടെറസ്സിലും ഒക്കെ നമുക്ക് വളര്‍ത്താവുന്നതേയുള്ളൂ. അവയുടെ സാന്നിധ്യം ആശുപത്രികളെയും ഡോക്ടര്‍മാരെയും ദൂരെ നിര്‍ത്താന്‍ നിങ്ങളെ സഹായിക്കുമോ എന്ന് ഒന്നു ശ്രമിച്ചു നോക്കുക.

Posted in ഗൃഹവൈദ്യം | HOME REMEDIES | Tagged , , , , , , | Leave a comment

35 ¦ ആവണക്ക് ¦ Castor Plant ¦ Part [1]

35 ¦ ആവണക്ക്  ¦ Castor Plant  ¦ Part [1]

35 ¦ ആവണക്ക് ¦ Castor Plant ¦ Part [1]

🌱🌱ഉദരരോഗങ്ങള്‍ക്ക് ആവണക്ക്🌱🌱

.
ഭാരതത്തിലുടനീളം സമൃദ്ധമായി കാണപ്പെടുന്ന ഔഷധിയാണ്‌ ആവണക്ക്. വെളുത്ത ആവണക്ക് ആണ് ഇനി പറയുന്ന ഔഷധങ്ങളില്‍ എല്ലാം ഉപയോഗിക്കേണ്ടത്.
.
🌿നീണ്ടുനില്‍ക്കുന്ന വയറുവേദനയും അനുബന്ധ അസ്വസ്ഥതകളും അലട്ടുമ്പോള്‍ രണ്ടു സ്പൂണ്‍ ആവണക്കെണ്ണയില്‍ കുറച്ച് ഉപ്പും (ഇന്തുപ്പ് ഉത്തമം) കുറച്ചു നാരങ്ങാ നീരും ചേര്‍ത്തു സേവിച്ച്, അല്‍പ്പസമയം കഴിഞ്ഞ് കുറച്ച് ചൂടുവെള്ളം കുടിച്ചാല്‍ വയറുവേദനയും അസ്വസ്ഥതകളും ശമിക്കും.
.
🌿മലബന്ധം അലട്ടുന്നുവെങ്കില്‍ രാത്രി കിടക്കും മുമ്പ് ഒരു ഗ്ലാസ്‌ പശുവില്‍ പാലില്‍ രണ്ടു സ്പൂണ്‍ ആവണക്കെണ്ണ ചേര്‍ത്ത്, വേണമെങ്കില്‍ മാത്രം മധുരം ചേര്‍ത്ത് കുറച്ചു നാള്‍ കഴിച്ചാല്‍ സാമാന്യേന മലബന്ധത്തില്‍ നിന്ന് മുക്തി ഉറപ്പാണ്.
.
🌿മലബന്ധം മാറുന്നില്ല എങ്കില്‍ ഉണക്കമുന്തിരി കുരു കളഞ്ഞെടുത്തത് മുപ്പത് എണ്ണം പാലില്‍ വേവിച്ച്, പിഴിഞ്ഞ്, അരിച്ച് എടുത്ത് അതില്‍ രണ്ടു സ്പൂണ്‍ ആവണക്കെണ്ണ ചേര്‍ത്ത് കുറച്ചു നാള്‍ കഴിച്ചാല്‍ മലബന്ധം തീര്‍ച്ചയായും ശമിക്കും.
.
🌿വയറ്റില്‍ കൃമിശല്യം ഉണ്ടാകുമ്പോള്‍, മുടങ്ങാതെ കുറച്ചു നാള്‍, പ്രഭാതത്തില്‍, വെറും വയറ്റില്‍ അല്‍പ്പം ശര്‍ക്കര കഴിച്ച്, പതിനഞ്ചു മിനിട്ട് കഴിഞ്ഞ് ആവണക്കിലയുടെ സ്വരസം കഴിച്ചാല്‍ കൃമിശല്യം ശമിക്കും. കൃമിശല്യം ഉള്ളവര്‍ മധുരം വര്‍ജ്ജിക്കണം.
.
🌿കൊച്ചുകുട്ടികളില്‍ കൃമിബാധ ഉണ്ടാകുമ്പോള്‍ ചെറിയ കൃമികള്‍ മലദ്വാരത്തിലേക്ക് ഇറങ്ങി വരികയും വല്ലാത്ത ചൊറിച്ചില്‍ ഉണ്ടാക്കുകയും ചെയ്യാറുണ്ട്. കുട്ടികള്‍ക്ക് അസഹനീയമായ അസ്വസ്ഥത ഇത് ഉണ്ടാക്കുന്ന ഈ അവസ്ഥയില്‍ ആവണക്കിലയുടെ സ്വരസം മലദ്വാരപ്രദേശത്ത് ദിവസം മൂന്നോ നാലോ തവണ പുരട്ടിയാല്‍ അസ്വസ്ഥത ശമിക്കും.
.
🌿ആളുകളെ ഏറെ ഭയപ്പെടുത്തുന്ന ഒരു അവസ്ഥയാണ് അപ്പെന്‍ഡിസൈറ്റിസ്. മൂര്‍ദ്ധന്യാവസ്ഥയില്‍ ശസ്ത്രക്രിയയാണ് വേണ്ടത്. എങ്കിലും രോഗത്തിന്‍റെ പ്രാരംഭാവസ്ഥയില്‍ മുടങ്ങാതെ ദിവസവും പശുവിന്‍ പാലില്‍ രണ്ടു സ്പൂണ്‍ ആവണക്കെണ്ണ ചേര്‍ത്തു കഴിച്ചാല്‍ ആശ്വാസം കിട്ടും. വേദന കുറയും. വീക്കവും കുറയും.
Posted in AYURVEDA | ARTICLES, ഔഷധസസ്യങ്ങള്‍ | MEDICINAL PLANTS, ഗൃഹവൈദ്യം | HOME REMEDIES | Tagged , , , , , | Leave a comment