360 ¦ അലര്‍ജി ¦ Allergy

360 ¦ ALLERGY ¦ TOXINS

360 ¦ ALLERGY ¦ TOXINS

അലര്‍ജിയ്ക്ക് തുമ്പ

പല കാരണങ്ങളാണ് അലര്‍ജിക്ക്. പല കാരണങ്ങളാല്‍ ശരീരത്തില്‍ രൂപപ്പെടുന്ന ടോക്സിനുകള്‍ വേറെ. ഇത്തരം പ്രശ്നങ്ങള്‍ കൊണ്ടു വലയുന്നവര്‍ക്ക് തുമ്പയുടെ (ദ്രോണപുഷ്പി) പഞ്ചാംഗത്തിന്‍റെ കഷായം പ്രയോജനകരമാണ്.  മതിയാകും.

തുമ്പ സമൂലം ഇടിച്ചു പിഴിഞ്ഞ് നീരെടുത്ത് അതില്‍ ഇരട്ടി വെള്ളം ചേര്‍ത്ത് ഒരു പാത്രത്തില്‍ ഒരു ദിനരാത്രം വെച്ച് മുകളിലെ വെള്ളം ഊറ്റിക്കളഞ്ഞു താഴെ അറിയുന്ന കുറുകിയ സത്ത് തണലില്‍ ഉണക്കിയെടുത്ത് സൂക്ഷിച്ചു വെച്ച് നിത്യം അതില്‍ നിന്നും അര ഗ്രാം വീതം സേവിച്ചാല്‍ അലര്‍ജി ശമിക്കും, വിരുദ്ധാഹാരങ്ങളില്‍ നിന്നും, ഔഷധങ്ങളില്‍ നിന്നും ഉണ്ടാകുന്ന ടോക്സിനുകള്‍ ഇവയില്‍ നിന്ന് മുക്തി ലഭിക്കും.

ഔഷധം അറിവുള്ള ഒരു ആയുര്‍വേദഭിഷഗ്വരന്‍റെ ഉപദേശമനുസരിച്ചു മാത്രം കഴിക്കുക.

Posted in ഗൃഹവൈദ്യം | HOME REMEDIES | Tagged , | 1 Comment

359 ¦ ജലദോഷവും ചുമയും ¦ ഉറക്കത്തില്‍ ഉമിനീര്‍ ഒലിപ്പിക്കല്‍

359 ¦ ജലദോഷവും ചുമയും ¦ ഉറക്കത്തില്‍ ഉമിനീര്‍ ഒലിപ്പിക്കല്‍

359 ¦ ജലദോഷവും ചുമയും ¦ ഉറക്കത്തില്‍ ഉമിനീര്‍ ഒലിപ്പിക്കല്‍

തുളസിയില, ഗ്രാമ്പൂ, ഏലക്കായുടെ തരി – ഇവയുടെ കഷായം ജലദോഷവും ചുമയും (Cough & Cold) എന്നിവയില്‍ ഉത്തമമാണ്.

വായില്‍ നിന്ന് ഉറക്കത്തില്‍ ഉമിനീര്‍ ഒഴുക്കുന്ന (Drooling) പ്രശ്നത്തിനും ഈ ഔഷധപ്രയോഗം അതീവഫലപ്രദമാണ്.

Posted in ഗൃഹവൈദ്യം | HOME REMEDIES | Tagged , , | Leave a comment

34 ¦ അപാമാര്‍ഗ ¦ കടലാടി ¦ Achyranthes Aspera

34 ¦ അപാമാര്‍ഗ ¦ കടലാടി ¦ Achyranthes Aspera

34 ¦ അപാമാര്‍ഗ ¦ കടലാടി ¦ Achyranthes Aspera

🌿 ഗര്‍ഭസംരക്ഷണത്തിന് അപാമാര്‍ഗ🌿

അപാമാര്‍ഗ്ഗ – അഥര്‍വ്വവേദാന്തര്‍ഗതമായി പ്രതിപാദിക്കപ്പെടുന്ന വനസ്പതി. രാക്ഷസങ്ങളും പിശാചങ്ങളുമായ ദൃഷ്ടാദൃഷ്ടകൃമികളില്‍ നിന്ന് രക്ഷനേടാന്‍ അതീവപ്രഭാവശാലിയായ അപാമാര്‍ഗാ വനസ്പതിയെ വൈദികി പ്രകീര്‍ത്തിക്കുന്ന സൂക്തങ്ങള്‍ അഥര്‍വ്വവേദം നാലാം കാണ്ഡത്തില്‍ കാണാം.
🌱 അപാമാര്‍ഗ ഓഷധീനാം സര്‍വാസാമേക ഇദ് വശീ|
തേന തേ മൃജ്മ ആസ്ഥിതമഥ ത്വമഗദശ്ചര | 🌱
.
🌾 अपामार्ग ओषधीनां सर्वासामेक इद् वशी | तेन ते मृज्म आस्थितमथ त्वमगदश्चर |🌾
.
हे अपामार्ग ओषधे ! आप समस्त ओषधियों को वशीभूत करनेवाली अकेली ओषधि हैं | हे रोगिन ! आपके रोगों को हम अपामार्ग ओषधी से दूर करते हैं ||
🍃 ഗര്‍ഭിണികള്‍ അപാമാര്‍ഗയുടെ വേര് മുറിച്ച് ചരടില്‍ കോര്‍ത്ത്‌ അരയില്‍ കെട്ടുന്ന ഒരു പതിവ് വടക്കേ ഇന്ത്യയില്‍ ഉണ്ട്. ഗര്‍ഭസംരക്ഷണത്തിന്‍റെ ഭാഗമായ ഒരു ആചാരമാണ് അത്. കൃതഹസ്തനായ ഒരു ആയുര്‍വേദ ആചാര്യനില്‍ നിന്ന് അറിയാന്‍ കഴിഞ്ഞത് പ്രസവവേദന അടുത്തെത്തുമ്പോള്‍ അപാമാര്‍ഗയുടെ വേര് മുറിച്ച് ചരടില്‍ കോര്‍ത്ത്‌ അരയില്‍ കെട്ടുന്നത് സുഖപ്രസവം സാധ്യമാക്കുന്നതായി അനുഭവം എന്നാണ്. കെട്ടുമ്പോള്‍ വേര് നാഭിയുടെ ഭാഗത്തായിരിക്കാന്‍ ശ്രദ്ധിക്കണം. പ്രസവശേഷം അഴിച്ചു മാറ്റുകയും വേണം. അന്ധവിശ്വാസികള്‍ക്ക് ശ്രമിച്ചു നോക്കാം. പ്രത്യേകിച്ച് ധനനഷ്ടമൊന്നും ഉണ്ടാക്കുന്ന പരിപാടി അല്ല. ഗുണമുണ്ടായാല്‍ അറിയിക്കാന്‍ മറക്കരുത്, ആചാര്യനെ അറിയിക്കാനാണ്. അപാമാര്‍ഗ്ഗയോടു നന്ദിയുള്ളവരുമായിരിക്കാം.
☘️ ശ്വാസകോശസംബന്ധിയായ രോഗങ്ങള്‍, കഫക്കെട്ട്, ആസ്ത്മ ഒക്കെ അലട്ടുമ്പോള്‍ അപാമാര്‍ഗ്ഗയുടെ പഞ്ചാംഗങ്ങള്‍ ഉണക്കി ചുരുട്ടോ മറ്റോ ഉണ്ടാക്കി പുക വലിച്ചാല്‍ പെട്ടന്ന് രോഗശമനം കിട്ടും. അപാമാര്‍ഗ്ഗയുടെ പഞ്ചാംഗങ്ങള്‍ കത്തിച്ചുണ്ടാക്കുന്ന ഭസ്മം, അപാമാര്‍ഗ്ഗയുടെ ക്ഷാരം എന്നിവ സേവിക്കുന്നതും അതീവഫലപ്രദം.
🌱 സ്ത്രീപ്രജകള്‍ പ്രത്യേക കാരണങ്ങള്‍ വെളിപ്പെടാതെ ഗര്‍ഭം ധരിക്കാനാവാതെ വിഷമിക്കുമ്പോള്‍ അപാമാര്‍ഗ്ഗ സഹായകരമായേക്കാം. വൃത്തിയും വെടിപ്പും ഉള്ള ഇടങ്ങളില്‍ വളരുന്ന അപാമാര്‍ഗ്ഗയുടെ വനസ്പതി തേടിപ്പിടിച്ച്, തൊട്ടുരിയാടാതെ പറിച്ചെടുത്ത്, വേരും ഇലകളും എടുത്ത് വൃത്തിയാക്കി ചതച്ച്, ശുദ്ധമായ പശുവിന്‍പാലില്‍ ഇട്ടു സാവധാനം വേവിച്ച് ആര്‍ത്തവദിനങ്ങളില്‍ മൂന്നോ നാലോ മാസം സേവിച്ചാല്‍ ആ സ്ത്രീപ്രജ ഗര്‍ഭധാരണത്തിനു യോഗ്യയാകും. ഈ അവസ്ഥയില്‍ പ്രാണായാമം പരിശീലിക്കുന്നത് നന്ന്.
🍀 ഗര്‍ഭാശയത്തിലും യോനിയിലും ഉണ്ടാകുന്ന അണുബാധ, വീക്കം, മുറിവുകള്‍ തുടങ്ങിയ സ്ത്രൈണരോഗങ്ങളില്‍ അപാമാര്‍ഗ്ഗയുടെ ഇല അരച്ചു വൈദ്യസഹായത്തോടെ പുരട്ടുകയും അപാമാര്‍ഗ്ഗയുടെ ഇല ചതച്ചിട്ടു വെന്ത വെള്ളം കൊണ്ട് ക്ഷാളനം ചെയ്യുകയും ചെയ്‌താല്‍ ക്ഷിപ്രം രോഗശമനമുണ്ടാകും. സ്ത്രീപ്രജകളിലെ രക്തപ്രദരത്തിനും ഈ ഔഷധം ഉത്തമം.
🍃 അപാമാര്‍ഗ കേരളത്തില്‍ അറിയപ്പെടുന്നത് കടലാടി എന്നാണ്. വന്‍കടലാടി, ചെറുകടലാടി എന്ന് രണ്ടു സസ്യങ്ങള്‍ കേരളത്തില്‍ ഉണ്ട്. ഇവിടെ പറയുന്ന സസ്യം വന്‍കടലാടിയാണ്. ചെറുകടലാടിയും ഉപയോഗിക്കാം.
🍃 ഔഷധങ്ങള്‍ ഉപയോഗിക്കേണ്ടത് വൈദ്യനിര്‍ദ്ദേശമനുസരിച്ചു മാത്രം എന്ന് പ്രത്യേകം ശ്രദ്ധിക്കണം.
#arogyajeevanam #urmponline
🌱🌱☘️☘️🍀🍀🍃🍃🌿🌾🌱🌱☘️☘️🍀🍀🍃🍃🌿🌾
Posted in AYURVEDA | ARTICLES, ഔഷധസസ്യങ്ങള്‍ | MEDICINAL PLANTS, ഗൃഹവൈദ്യം | HOME REMEDIES | Tagged , , , , , , , | Leave a comment

358 ¦ ആസ്ത്മ ¦ ശ്വാസംമുട്ടല്‍ ¦ ചുമ ¦ കഫം

358 ¦ ആസ്ത്മ ¦ ശ്വാസംമുട്ടല്‍ ¦ ചുമ ¦ കഫം

358 ¦ ആസ്ത്മ ¦ ശ്വാസംമുട്ടല്‍ ¦ ചുമ ¦ കഫം

ആസ്ത്മയ്ക്ക് ഉമ്മം (Datura stramonium | ധുർധുരം)

മൌലികമായി ഒരു ആയുര്‍വേദചികിത്സാരീതിയായിരുന്നു ഔഷധങ്ങള്‍ ഉപയോഗിച്ചുള്ള ധൂമ്രപാനം. അതില്‍ നിന്നാവണം പുകയില എരിച്ചു വലിക്കുന്ന രീതി നിലവില്‍ വന്നത്.

ആസ്ത്മ കൊണ്ടു വലയുന്ന രോഗികള്‍ക്ക് അത്യന്തം ഫലപ്രദമായ ഒരു പ്രയോഗമാണ് ഉമ്മത്തിന്റെ ഉണങ്ങിയ ഇലകള്‍ ചുരുട്ട് പോലെയാക്കി പുകവലിക്കുന്നത്. ആസ്ത്മാ മൂലം ശ്വാസം മുട്ടല്‍ ഉണ്ടാകുമ്പോള്‍ ഈ പ്രയോഗം ഫലപ്രദമാണ്.

ഉമ്മത്തിന്റെ കായയുടെ ഉള്ളിലെ കുരുക്കള്‍, തണലില്‍ ഉണക്കിയെടുത്ത ഇലകള്‍ ഇവയുടെ ഭസ്മം തേന്‍ ചേര്‍ത്ത് രാവിലെയും വൈകിട്ടും കഴിച്ചാല്‍ ആസ്ത്മ, ചുമ, കഫക്കെട്ട് ഒക്കെ സുഖപ്പെടും. ഉമ്മത്തിന്റെ കുരുക്കളും ഉണക്കിയ ഇലകളും ഒരു മണ്‍കലത്തില്‍ ഇട്ട് വായ തുണി കൊണ്ടു മൂടിക്കെട്ടി ആ കുടം കനലില്‍ വെച്ച് ചൂടാക്കി ഭസ്മം ഉണ്ടാക്കാം. ഈ ഭസ്മം ഉപയോഗിക്കുമ്പോള്‍ സൂക്ഷിക്കണം. ഒരു നേരം അര ഗ്രാമില്‍ കൂടുതല്‍ ഭസ്മം കഴിക്കരുത്.

ഉമ്മം വിഷച്ചെടിയാണ്. അതുകൊണ്ടു തന്നെ വളരെ സൂക്ഷിച്ചു വേണം കൈകാര്യം ചെയ്യാന്‍. കൂടിയ അളവില്‍ ഉള്ളില്‍ ചെന്നാല്‍ പ്രജ്ഞ നഷ്ടപ്പെട്ട അവസ്ഥ താല്‍ക്കാലികമായി ഉണ്ടാകാന്‍ സാധ്യത ഉണ്ട്.

Posted in ഗൃഹവൈദ്യം | HOME REMEDIES | Tagged , , , , , , , | Leave a comment

34 ¦അകര്‍കര ¦ അക്ക്രാവ് ¦ അക്കിക്കറുക

34 ¦ 🌿🌿 അകര്‍കര ¦ അക്ക്രാവ് ¦ അക്കിക്കറുക 🌿🌿

34 ¦ 🌿🌿 അകര്‍കര ¦ അക്ക്രാവ് ¦ അക്കിക്കറുക 🌿🌿

കേരളത്തിലെ നാട്ടിന്‍പുറങ്ങളില്‍ ചതുപ്പു നിലങ്ങളിലും വയലുകളിലുമൊക്കെ സുലഭമായി വളര്‍ന്നു കാണപ്പെടുന്ന ഒരു ഔഷധസസ്യമാണ് അക്കിക്കറുക അഥവാ അക്ക്രാവ്. പല്ലുവേദന ഉള്ളപ്പോള്‍ ഇതിന്റെ പൂവ് അടര്‍ത്തി വേദനയുള്ള ഭാഗത്തു കടിച്ചു പിടിച്ചാല്‍ വേദനയ്ക്ക് പെട്ടന്ന് ആശ്വാസം തരുന്നതു കൊണ്ട് നാട്ടിന്‍പുറങ്ങളില്‍ ഇതിനെ പല്ലുവേദനച്ചെടി എന്ന പേരിലും അറിയപ്പെടുന്നുണ്ട്. ഭാരതീയനല്ല ഈ ചെടി, വിദേശിയാണ്‌. ഒന്നില്‍ക്കൂടുതല്‍ വകഭേദങ്ങളില്‍ ഈ സസ്യം കാണപ്പെടുന്നു. വടക്കേ ഇന്ത്യയില്‍ അകര്‍കര എന്ന പേരില്‍ അറിയപ്പെടുന്നു.

☘️ പല്ലിനുണ്ടാകുന്ന കേടുപാടുകള്‍ കൊണ്ട് പല്ലുവേദന ഉണ്ടാകുമ്പോള്‍ അക്കിക്കറുകയുടെ വേര് കഷായം വെച്ച് കൂടെക്കൂടെ കവിള്‍ക്കൊണ്ടാല്‍ വേദന ശമിക്കും.

☘️ പല്ലുവേദന ഉണ്ടാകുമ്പോള്‍ അക്കിക്കറുകയുടെ വേരിന്റെ ചൂര്‍ണ്ണം വേദനയുള്ള പല്ലിന്റെ ചുവട്ടില്‍ മോണയില്‍ വെച്ചാല്‍ വളരെ പെട്ടന്ന് വേദനയ്ക്ക് ആശ്വാസം ലഭിക്കും. പൂവ് ചതച്ചു വെച്ചാലും, കടിച്ചു പിടിച്ചാലും വേദന ശമിക്കും. നീര്‍ക്കെട്ടും മാറും.

☘️ വായ്നാറ്റം അകലാനും അക്കിക്കറുകയുടെ പൂവ് ചവച്ചാല്‍ മതിയാകും. ഒപ്പം പൂവും ഇലയും ഇട്ടു വെള്ളം തിളപ്പിച്ചു കവിള്‍കൊള്ളുകയും ചെയ്യാം.

☘️ അക്കിക്കറുകയുടെ പഞ്ചാംഗം ചൂര്‍ണ്ണമാക്കി അല്പം ഗ്രാമ്പൂ, ആലം ഇവ പൊടിച്ചു ചേര്‍ത്താല്‍ പല്ലു തേക്കാന്‍ ഉത്തമമായ ദന്തചൂര്‍ണ്ണം ആയി.

☘️ അക്കിക്കറുകയുടെ വേര് കഷായം വെച്ച് തൊണ്ടയില്‍ കൊണ്ടാല്‍ (Gargling) ശബ്ദസംബന്ധിയായ പ്രശ്നങ്ങള്‍ ശമിക്കും. ടോൺസിലൈറ്റിസ് (TONSILITIS) ശമിക്കും.

☘️ അക്കിക്കറുകയുടെ വേരിന്‍റെ പൊടി അല്ലെങ്കില്‍ പൂവ് ചതച്ചു വെള്ളത്തില്‍ കലക്കി തൊണ്ടയില്‍ കൊണ്ടാലും തൊണ്ടവേദന, കണ്ഠപാകം ശമിക്കും. ടോൺസിലൈറ്റിസ് മാറാന്‍ ഇതും നന്ന്.

☘️ അക്കിക്കറുക അരച്ചു നെറ്റിയില്‍ പുരട്ടിയാല്‍ തലവേദന മാറും. അക്കിക്കറുകയുടെ സ്വരസം നാലു തുള്ളി വരെ ഓരോ നാസാദ്വാരത്തിലും നസ്യം ചെയ്താല്‍ തലവേദന, കൊടിഞ്ഞി (മൈഗ്രേന്‍) എന്നിവ ശമിക്കും.

☘️ നാഡി ഞരമ്പുവ്യൂഹത്തിന് ഉത്തമപോഷമാണ് അക്കിക്കറുക. അപസ്മാരം ശമിക്കാന്‍ അക്കിക്കറുകയുടെ വേരിന്റെ ചൂര്‍ണ്ണം വയമ്പ് (വച) ചേര്‍ത്ത് കഴിക്കുന്നത് ഫലപ്രദമായ ഒരു പ്രയോഗമാണ്. തേന്‍ ചേര്‍ത്തും കഴിക്കാം.

☘️ എക്കിട്ടം, എക്കിള്‍ ശമിക്കാന്‍ അക്കിക്കറുകയുടെ പൂവ് വായിലിട്ടു ചവച്ച ശേഷം വായ വെള്ളമൊഴിച്ചു കുലുക്കുകുഴിഞ്ഞാല്‍ മതി. പഴകിയ എക്കിട്ടം ശമിക്കാന്‍ അക്കിക്കറുകയുടെ വേരിന്റെ ചൂര്‍ണ്ണം തേനില്‍ ചാലിച്ച് ദിവസം രണ്ടു മൂന്നു പ്രാവശ്യം വെച്ച് സേവിക്കുന്നത് സഹായകമാണ്.

☘️ ധാതുക്ഷയം മൂലമുള്ള ക്ഷീണം മാറാന്‍ അക്കിക്കറുക, ശതാവരി, നിലപ്പനക്കിഴങ്ങ്‌ ഇവയുടെ ചൂര്‍ണ്ണം തുല്യയളവില്‍ ചേര്‍ത്തു വെച്ച് നിത്യവും രണ്ടു നേരം ഓരോ സ്പൂണ്‍ വീതം പശുവിന്‍പാലില്‍ കലക്കി കഴിക്കുന്നത്‌ അതീവഫലപ്രദമാണ്.

☘️ ഹൃദയരോഗങ്ങളില്‍ അക്കിക്കറുക നന്ന്. നെഞ്ചുവേദന (Angina Pain), ഉയര്‍ന്ന ഹൃദയമിടിപ്പ് എന്നിവകളില്‍ അക്കിക്കറുകയുടെ പൂവ് നീര്‍മരുതിന്റെ (Arjuna tree) തൊലിയും ചേര്‍ത്തു കഷായം വെച്ച് കഴിക്കുന്നത്‌ ഉത്തമമായ ഒരു പ്രയോഗമാണ്. നിത്യേന ഒന്നോ രണ്ടോ പൂവ് ഒരു സ്പൂണ്‍ അര്‍ജുനചൂര്‍ണ്ണം ചേര്‍ത്ത് വെള്ളത്തില്‍ വെന്തു കഷായമാക്കി കഴിക്കാം.

☘️ അക്കിക്കറുകയുടെ പൂവ്, നീര്‍മരുതിന്റെ തൊലി, വലിയ അരത്ത – ഇവ കഷായം വെച്ച് നിത്യവും പ്രഭാതത്തില്‍ സേവിച്ചാല്‍ ഹൃദയസുഖവും ഉദരസുഖവും ഉണ്ടാകും. രണ്ടോ മൂന്നോ പൂവ്, വലിയ അരത്തയുടെ വേര് ചൂര്‍ണ്ണം രണ്ടു ഗ്രാം വരെ, നീര്‍മരുതിന്റെ വേര് ചൂര്‍ണ്ണം അഞ്ചു ഗ്രാം വരെ 200 മില്ലി വെള്ളത്തില്‍ വേവിച്ച് ഒരു കപ്പ് അളവാക്കി വറ്റിച്ച് അരിച്ച് തണുപ്പിച്ച് കഴിക്കാം.

☘️ അക്കിക്കറുകയുടെ പൂവ് അരച്ച് പാലില്‍ വെന്ത് നിത്യം കഴിച്ചാല്‍ ഉദ്ധാരണശേഷിക്കുറവ് മാറും. പൂവിനു പകരം 500 mg വേരിന്റെ ചൂര്‍ണ്ണം പാലില്‍ കഴിച്ചാലും ഫലമുണ്ടാകും.

☘️ അക്കിക്കറുകയുടെ വേരിന്‍ ചൂര്‍ണ്ണം അഞ്ചു ഗ്രാം എടുത്തു അറുപതു മില്ലി വെളിച്ചെണ്ണയില്‍ ആറു മുതല്‍ എട്ടു ദിവസം വരെ സൂര്യപാകം ചെയ്ത് അരിച്ചെടുത്ത് തയാറാക്കിയ തൈലം ഇരുപത്തിയൊന്നു ദിവസം ലേപനം ചെയ്താല്‍ ഉദ്ധാരണശേഷിക്കുറവ് ഉള്ളവരില്‍ ഉദ്ധാരണശേഷി മെച്ചപ്പെടും.

☘️ വാതം കൊണ്ട് മുഖം കോടിയ അവസ്ഥയില്‍ അക്കിക്കറുക അരച്ചു ലേപനം ചെയ്യുന്നത് ഗുണപ്രദമാണ്.

☘️☘️☘️ അള്‍സര്‍, കൊളൈറ്റിസ് മറ്റു ഉദരരോഗങ്ങള്‍, തന്മൂലം ഉണ്ടാകുന്ന വായ്‌പ്പുണ്ണ് നെഞ്ചെരിച്ചില്‍, IBS (Irritable bowel syndrome) തുടങ്ങിയ പ്രശ്നങ്ങള്‍ ഉള്ളവര്‍ അക്കിക്കറുക ഉള്ളില്‍ കഴിക്കുന്നത്‌ ഒഴിവാക്കണം. ഈ പ്രയോഗങ്ങള്‍ ഫലദായകങ്ങളാണെന്നിരിക്കെത്തന്നെ, ഇവ ഉപയോഗിക്കുന്നത് കൃതഹസ്തരായ, ജ്ഞാനികളായ വൈദ്യന്മാരുടെ ഉപദേശപ്രകാരം മാത്രമായിരിക്കാന്‍ ശ്രദ്ധിക്കണം.

☘️ പാഴ്ചെടി പോലെ വഴിയോരങ്ങളിലും വയല്‍വരമ്പുകളിലും വളര്‍ന്നു നില്‍ക്കുന്ന അക്കിക്കറുകയുടെ ഔഷധഗുണങ്ങള്‍ ഇനിയുമേറെയുണ്ട്. ഇതുപോലെ തന്നെയാണ് ഒട്ടുമിക്ക ഔഷധസസ്യങ്ങളുടെ കാര്യവും. നശിപ്പിക്കാതിരിക്കുക. സംരക്ഷിക്കുക. സ്വന്തം വീട്ടുവളപ്പില്‍ വെച്ചുപിടിപ്പിക്കുക.

Posted in ഔഷധസസ്യങ്ങള്‍ | MEDICINAL PLANTS | Tagged , , , , , , , , , , , , , , , , , , , , , , , , , , | Leave a comment

357 ¦ തലവേദന ¦ മൈഗ്രേന്‍

357 ¦ തലവേദന ¦ മൈഗ്രേന്‍

357 ¦ തലവേദന ¦ മൈഗ്രേന്‍

അക്കിക്കറുക അരച്ചു നെറ്റിയില്‍ പുരട്ടിയാല്‍ തലവേദന മാറും.

അക്കിക്കറുകയുടെ സ്വരസം നാലു തുള്ളി വരെ ഓരോ നാസാദ്വാരത്തിലും നസ്യം ചെയ്താല്‍ തലവേദന, കൊടിഞ്ഞി (മൈഗ്രേന്‍) എന്നിവ ശമിക്കും.

കുറിപ്പ് : കേരളത്തിലെ നാട്ടിന്‍പുറങ്ങളില്‍ ചതുപ്പു നിലങ്ങളിലും വയലുകളിലുമൊക്കെ സുലഭമായി വളര്‍ന്നു കാണപ്പെടുന്ന ഒരു ഔഷധസസ്യമാണ് അക്കിക്കറുക അഥവാ അക്ക്രാവ്. പല്ലുവേദന ഉള്ളപ്പോള്‍ ഇതിന്റെ പൂവ് അടര്‍ത്തി വേദനയുള്ള ഭാഗത്തു കടിച്ചു പിടിച്ചാല്‍ വേദനയ്ക്ക് പെട്ടന്ന് ആശ്വാസം തരുന്നതു കൊണ്ട് നാട്ടിന്‍പുറങ്ങളില്‍ ഇതിനെ പല്ലുവേദനച്ചെടി എന്ന പേരിലും അറിയപ്പെടുന്നുണ്ട്. ഭാരതീയനല്ല ഈ ചെടി, വിദേശിയാണ്‌. ഒന്നില്‍ക്കൂടുതല്‍ വകഭേദങ്ങളില്‍ ഈ സസ്യം കാണപ്പെടുന്നു. വടക്കേ ഇന്ത്യയില്‍ അകര്‍കര എന്ന പേരില്‍ അറിയപ്പെടുന്നു.

Posted in ഗൃഹവൈദ്യം | HOME REMEDIES | Tagged , , , , | Leave a comment

356 ¦ പല്ലുവേദന ¦ വായ്നാറ്റം

356 ¦ പല്ലുവേദന ¦ വായ്നാറ്റം

356 ¦ പല്ലുവേദന ¦ വായ്നാറ്റം

പല്ലിനുണ്ടാകുന്ന കേടുപാടുകള്‍ കൊണ്ട് പല്ലുവേദന ഉണ്ടാകുമ്പോള്‍ അക്കിക്കറുകയുടെ വേര് കഷായം വെച്ച് കൂടെക്കൂടെ കവിള്‍ക്കൊണ്ടാല്‍ വേദന ശമിക്കും.

പല്ലുവേദന ഉണ്ടാകുമ്പോള്‍ അക്കിക്കറുകയുടെ വേരിന്‍റെ ചൂര്‍ണ്ണം വേദനയുള്ള പല്ലിന്‍റെ ചുവട്ടില്‍ മോണയില്‍ വെച്ചാല്‍ വളരെ പെട്ടന്ന് വേദനയ്ക്ക് ആശ്വാസം ലഭിക്കും. പൂവ് ചതച്ചു വെച്ചാലും, കടിച്ചു പിടിച്ചാലും വേദന ശമിക്കും. നീര്‍ക്കെട്ടും മാറും.

വായ്നാറ്റം അകലാനും അക്കിക്കറുകയുടെ പൂവ് ചവച്ചാല്‍ മതിയാകും. ഒപ്പം പൂവും ഇലയും ഇട്ടു വെള്ളം തിളപ്പിച്ചു കവിള്‍കൊള്ളുകയും ചെയ്യാം.

അക്കിക്കറുകയുടെ പഞ്ചാംഗം ചൂര്‍ണ്ണമാക്കി അല്പം ഗ്രാമ്പൂ, ആലം ഇവ പൊടിച്ചു ചേര്‍ത്താല്‍ പല്ലു തേക്കാന്‍ ഉത്തമമായ ദന്തചൂര്‍ണ്ണം ആയി.

കുറിപ്പ് : കേരളത്തിലെ നാട്ടിന്‍പുറങ്ങളില്‍ ചതുപ്പു നിലങ്ങളിലും വയലുകളിലുമൊക്കെ സുലഭമായി വളര്‍ന്നു കാണപ്പെടുന്ന ഒരു ഔഷധസസ്യമാണ് അക്കിക്കറുക അഥവാ അക്ക്രാവ്. പല്ലുവേദന ഉള്ളപ്പോള്‍ ഇതിന്റെ പൂവ് അടര്‍ത്തി വേദനയുള്ള ഭാഗത്തു കടിച്ചു പിടിച്ചാല്‍ വേദനയ്ക്ക് പെട്ടന്ന് ആശ്വാസം തരുന്നതു കൊണ്ട് നാട്ടിന്‍പുറങ്ങളില്‍ ഇതിനെ പല്ലുവേദനച്ചെടി എന്ന പേരിലും അറിയപ്പെടുന്നുണ്ട്. ഭാരതീയനല്ല ഈ ചെടി, വിദേശിയാണ്‌. ഒന്നില്‍ക്കൂടുതല്‍ വകഭേദങ്ങളില്‍ ഈ സസ്യം കാണപ്പെടുന്നു. വടക്കേ ഇന്ത്യയില്‍ അകര്‍കര എന്ന പേരില്‍ അറിയപ്പെടുന്നു.

Posted in ഗൃഹവൈദ്യം | HOME REMEDIES | Tagged , , , , , | Leave a comment

33 ¦ വയമ്പ് ¦ ACORUS CALAMUS

33 ¦ വയമ്പ് ¦ ACORUS CALAMUS

33 ¦ വയമ്പ് ¦ ACORUS CALAMUS

പുതുതലമുറയിലെ അഭ്യസ്തവിദ്യരായ മലയാളികള്‍ക്ക് അത്ര പരിചയമില്ലാത്ത ഒരു വസ്തുവാണ് വയമ്പ്. “തേനും വയമ്പും” ഒരു പക്ഷെ അവരുടെ കുട്ടിക്കാലത്ത് അവരുടെ നാവ് രുചിചിട്ടുണ്ടാവണം. എന്തായാലും ഇപ്പോള്‍ ആശുപത്രികളില്‍ ജനിക്കുന്ന കുട്ടികളുടെ നാവിന് ആ രുചി അന്യമാണ്, പൊതുവേ.

വയമ്പിന്‍റെ കഷണത്തില്‍ നല്ല സ്വര്‍ണ്ണത്തിന്‍റെ കമ്പി അടിച്ചു കയറ്റി ചാണയില്‍ അരച്ചു (തേന്‍ ചേര്‍ത്തോ ചേര്‍ക്കാതെയോ) കുഞ്ഞുങ്ങളുടെ നാവില്‍ തേച്ചു കഴിപ്പിക്കുന്ന രീതി സാര്‍വ്വത്രികമായി കേരളത്തില്‍ നിലവിലുണ്ടായിരുന്നു. അത് ഒരു ആചാരമായിരുന്നു. പ്രാര്‍ഥനാനിര്‍ഭരമായ മനസോടെ കുഞ്ഞിന്റെ രക്ഷിതാവ് കത്തിച്ച നിലവിളക്കിന്റെ മുമ്പില്‍ ഔഷധം തന്റെ മോതിരവിരലാല്‍ കുഞ്ഞിന്‍റെ നാവില്‍ തേച്ചു കൊടുക്കുന്നു. നല്ല ബുദ്ധിയും വാക്കും കുഞ്ഞിന് സ്വായത്തമാകാനുള്ള ഔഷധവും മനസ്സും.

വയമ്പിന്‍റെ സംസ്കൃതനാമം “വച” എന്നാണ്. “വച” എന്നാല്‍ വാക്ക് എന്നര്‍ത്ഥം. വായില്‍ നിന്ന് ഉണ്ടാകുന്നത് ആണ് വാക്ക്. വയമ്പ് എന്നാലും വായില്‍ നിന്ന്‍ ഉണ്ടാകുന്നത് എന്നു തന്നെ അര്‍ത്ഥം. വാക്കിന് നല്ലത് എന്ന അര്‍ത്ഥത്തിലായിരിന്നിരിക്കണം പൂര്‍വ്വികര്‍ വയമ്പ് എന്നു പേര് കൊടുത്തതു തന്നെ . വാക്ക് നന്നാകാന്‍, വാക്കിനു സ്ഫുടത ഉണ്ടാകാന്‍ വയമ്പ് നല്ലത് എന്ന് ആയുര്‍വേദഗ്രന്ഥങ്ങള്‍.

“വയമ്പു നന്നു ബുദ്ധിയ്ക്കും കാര്‍ഷ്ണ്യം ദീപനപാചനം
നന്നേറ്റം ദന്തശൂലയ്ക്കും കുഷ്ഠവാതവലാസജിത്ത്”

ബുദ്ധിയ്ക്കും വയമ്പ് ഉത്തമം. വാക്കിനും ബുദ്ധിയ്ക്കും നല്ലതായതിനാല്‍ ആണ് വയമ്പിന്‍റെ കഷണത്തില്‍ നല്ല സ്വര്‍ണ്ണത്തിന്‍റെ കമ്പി അടിച്ചു കയറ്റി ചാണയില്‍ അരച്ചു കുഞ്ഞുങ്ങളുടെ നാവില്‍ തേച്ചു നിത്യം കൊടുക്കുന്ന രീതി സാര്‍വ്വത്രികമായി കേരളത്തില്‍ നിലവില്‍ വന്നത്. സ്വര്‍ണ്ണം ബുദ്ധിയ്ക്ക് നന്ന്.

വയമ്പ് നാവില്‍ പുരട്ടുമ്പോള്‍ ഉണ്ടാകുന്ന തരിപ്പ് വേഗം സംസാരിച്ചു തുടങ്ങാന്‍ കുട്ടിയെ സഹായിക്കും എന്നത് പഴമക്കാരുടെ അനുഭവത്തില്‍ അധിഷ്ഠിതമായ അറിവാണ്. കുട്ടികള്‍ക്ക് മതിയായ വിശപ്പ്‌ ഉണ്ടാകുന്നതിനും വയമ്പ് സഹായകമാണ്. അതിശക്തിയുള്ള ഒരു കൃമിനാശകം കൂടെയാണ്  വയമ്പ്. Staphylococcus aureus പോലെയുള്ള രോഗകാരികളായ ബാക്ടീരിയകളെപ്പോലും നശിപ്പിക്കാനുള്ള ശേഷി വയമ്പിന് ഉണ്ട് എന്ന് ആചാര്യന്‍.

ബ്രഹ്മി, വയമ്പ്, ശാരിബ (നന്നാറി), തിപ്പലി, കൊട്ടം, കടുക്, ഇന്തുപ്പ് കല്‍ക്കമായി നെയ്യ് കാച്ചി കൊടുക്കുന്നത് കുട്ടികളില്‍ ബുദ്ധിയും ഓര്‍മ്മശക്തിയും വര്‍ദ്ധിക്കാന്‍ സഹായിക്കുന്ന ഒരു ഔഷധപ്രയോഗമാണ്.

വയമ്പ് എന്ന പേരില്‍ ഒരു മത്സ്യമുണ്ട്. അതല്ല ഇത്.

Posted in AYURVEDA | ARTICLES, ഔഷധസസ്യങ്ങള്‍ | MEDICINAL PLANTS | Tagged , , , , , , | Leave a comment

355 ¦ കണ്ഠശുദ്ധിയുണ്ടാകാന്‍

355 ¦ കണ്ഠശുദ്ധിയുണ്ടാകാന്‍

355 ¦ കണ്ഠശുദ്ധിയുണ്ടാകാന്‍

ചെറുതിപ്പലി മുത്തിളിന്‍റെ സ്വരസത്തില്‍ ഏഴു തവണ ഭാവന ചെയ്തു നിത്യം ഓരോന്നു സേവിച്ചാല്‍ കണ്ഠശുദ്ധി ഉണ്ടാകും. തൊണ്ടയടപ്പ് പോലെ ശബ്ദത്തെ ബാധിക്കുന്ന പ്രശ്നങ്ങള്‍ ശമിക്കും. സ്വരം തെളിയും. ഗായകര്‍ക്ക് വളരെ പ്രയോജനം ചെയ്യുന്ന ഒരു പ്രയോഗമാണ് ഇത്.

Posted in ഗൃഹവൈദ്യം | HOME REMEDIES | Tagged , , | Leave a comment

21 ¦ കര്‍ക്കിടകക്കഞ്ഞി

കര്‍ക്കിടകക്കഞ്ഞി

കര്‍ക്കിടകക്കഞ്ഞി

കര്‍ക്കിടകക്കഞ്ഞി

കര്‍ക്കിടകമാസമായി. ആയുര്‍വേദ ചികിത്സാരംഗത്തെ ശൃഗാലന്മാര്‍ “കര്‍ക്കിടകപ്പിഴിച്ചില്‍” തുടങ്ങി. കര്‍ക്കിടകക്കഞ്ഞിക്കിറ്റുകളാണ് താരങ്ങള്‍. പല പല കോമ്പിനേഷന്‍ ആണ് ഓരോ കര്‍ക്കിടകക്കഞ്ഞിയ്ക്കും. ഓരോ ബ്രാണ്ടിനും ഓരോ വിലയും – തീവില. ലിസ്റ്റില്‍ കാണുന്ന സാധനങ്ങള്‍ ഒക്കെ കിറ്റില്‍ ഉണ്ടോ എന്ന് കമ്പനിയ്ക്കു മാത്രം അറിയാം.

വളരെക്കുറച്ചു ദ്രവ്യങ്ങള്‍ മാത്രം വാങ്ങി നമ്മുടെ ചുറ്റുവട്ടത്തുള്ള ഔഷധസസ്യങ്ങള്‍ ഉപയോഗിച്ചു കര്‍ക്കിടകക്കഞ്ഞി ഉണ്ടാക്കുന്ന ഒരു യോഗമാണിത്. പതിവു പോലെ കടപ്പാട് – സ്വാമി നിര്‍മ്മലാനന്ദഗിരി മഹാരാജ്.

വേണ്ട സാധനങ്ങള്‍:
1] മുക്കുറ്റി
2] കീഴാര്‍നെല്ലി
3] ചെറൂള
4] തഴുതാമ
5] മുയല്‍ച്ചെവിയന്‍
6] കുറുന്തോട്ടി
7] കറുക
8] ചെറുകടലാടി
9] പൂവ്വാങ്കുറുന്തില
10] കക്കുംകായ
11] ഉലുവ
12] ആശാളി

ഇതില്‍ പറിച്ചെടുക്കാനുള്ളവയാണ് ഭൂരിഭാഗവും. ഓര്‍ക്കുക, തൊട്ടുരുടിയാടാതെ പറിച്ചെടുക്കുന്ന ഔഷധസസ്യങ്ങളുടെ പ്രഭാവം കൂടും.

ഔഷധങ്ങള്‍ ഓരോന്നും 5 ഗ്രാം വീതം എടുത്തു നന്നായി ചതച്ച് തുണിയില്‍ കിഴികെട്ടി ഉണക്കലരിയോടൊപ്പം വെള്ളത്തില്‍ ഇട്ടു തിളപ്പിച്ചു കഞ്ഞി വെയ്ക്കുക. വെന്ത കഞ്ഞിയില്‍ ആവശ്യത്തിനു തേങ്ങാപ്പാലും ഇന്തുപ്പും ചേര്‍ത്തു കഴിക്കാം. കൂടുതല്‍ രുചി വേണമെങ്കില്‍ ചെറിയ ഉള്ളി നെയ്യില്‍ വറുത്തു കോരി കഞ്ഞിയില്‍ ചേര്‍ക്കാം.

ഇതില്‍ ചെറൂള, തഴുതാമ, കുറുന്തോട്ടി, പൂവ്വാങ്കുറുന്തില എന്നിവയുടെ വേരുകള്‍ ആണ് എടുക്കേണ്ടത്.
 
കക്കുംകായയ്ക്കു കട്ട് ഉണ്ട്. കക്കുംകായ പൊട്ടിച്ച്, പരിപ്പ് 24 മണിക്കൂര്‍ എങ്കിലും വെള്ളത്തില്‍ (ഒഴുകുന്ന വെള്ളത്തില്‍) വെച്ചു കട്ട് കളയണം.
 
ഔഷധങ്ങള്‍ ഉപയോഗിക്കും മുമ്പ് അറിവുള്ള ആയുര്‍വേദ ഭിഷഗ്വരന്‍റെ/വൈദ്യന്റെ ഉപദേശം തേടുക. അതനുസരിച്ചു ഉപയോഗിക്കുക.
Posted in AYURVEDA | ARTICLES, ജീവിതശൈലി | LIFE STYLE | Tagged | Leave a comment