പാമ്പു കടിയേല്‍ക്കുകയും കടിയേറ്റ വ്യക്തിയ്ക്കു ബോധം നശിക്കുകയും ചെയ്‌താല്‍ തുമ്പയുടെ നീര് കൊണ്ട് നസ്യം ചെയ്‌താല്‍ ആള്‍ക്ക് ബോധം തിരികെ ലഭിക്കുകയും വിഷത്തിന്റെ പ്രഭാവം കുറയുകയും ചെയ്യുമെന്ന് ആചാര്യമതം.
പാമ്പു കടിച്ചാല്‍ തുമ്പയോ എരിക്കോ (എരിക്ക് പാമ്പിന്‍ വിഷത്തിനെ ശമിപ്പിക്കും എന്ന് കേട്ടിട്ടുണ്ട്) ഒന്നും തപ്പാന്‍ പോകാതിരിക്കുക. ഇന്നത്തെ മനുഷ്യന്റെ മനസ്സിന്റെ ഗുണം വെച്ച് ഒന്നും ഫലിക്കാന്‍ സാധ്യതയില്ല. അതുകൊണ്ട് പാമ്പ് കടിച്ചാല്‍ നേരെ ആശുപത്രിയില്‍ കൊണ്ടുപോകുക. പോകുന്ന വഴിയില്‍ തുമ്പയോ എരിക്കോ മറ്റോ കിട്ടിയാല്‍ കൊടുക്കുക. ആശുപത്രിയില്‍ കൊണ്ടുപോയി അവര്‍ തരുന്ന മരുന്നും കൊടുക്കുക. കടി കൊണ്ട ആള്‍ രക്ഷപ്പെടുക എന്നതു മാത്രമാണ് ലക്ഷ്യം എന്ന് ഓര്‍ക്കുക. ഒരു അറിവായി ഇതൊക്കെ ഓര്‍ത്തു വെയ്ക്കുക. കഷ്ടകാലത്തിന് അടുത്തെങ്ങും ആശുപത്രി ഇല്ലാത്ത ഒരിടത്തു വെച്ചു, ഉദാ: കാറ്റില്‍ വെച്ച് പാമ്പ് കടിച്ചാല്‍, ചെല്ലുന്ന ആശുപത്രിയില്‍ ഔഷധം ഇല്ലെങ്കില്‍, അപ്പോള്‍ ഇതൊക്കെ പ്രയോഗിക്കാം.
ദൃശ്യവും അദൃശ്യവുമായ കൃമികള്‍, അണുകങ്ങള്‍, കര്‍ക്കിടകരോഗം ഇവ മൂലം സംക്രമണം ഉണ്ടാകുമ്പോള്‍ തുമ്പ, കയ്യോന്നി, കരിവേലം (ബബൂല്‍) ഇവയുടെ മൂന്നിന്റെയും ഇലകള്‍ ചതച്ച് പിഴിഞ്ഞ നീര് കഴിച്ചാല്‍ ശമിക്കും. ഇവയുടെ കഷായം ഉണ്ടാക്കി സേവിക്കുന്നതും അതീവഫലപ്രദമാണ്. കരിവേലത്തിനു പകരം ആര്യവേപ്പിന്റെ ഇലകളും ഉപയോഗിക്കാം.
ഔഷധം അറിവുള്ള ഒരു ആയുര്‍വേദഭിഷഗ്വരന്‍റെ ഉപദേശമനുസരിച്ചു മാത്രം കഴിക്കുക.
കേരളത്തിലെ നാട്ടിന്‍പുറങ്ങളില്‍ സുലഭമായ സസ്യം. ഒരുവേരന്‍, പെരിങ്ങലം, പെരു, പെരുക്, വട്ടപ്പെരുക് അങ്ങനെ പല പേരുകളില്‍ അറിയപ്പെടുന്നു. Clerodendrum Viscosum | Clerodendrum infortunatum എന്ന സസ്യശാസ്ത്രനാമത്തില്‍ അറിയപ്പെടുന്നു. മയൂരജഘ്ന എന്ന് സംസ്കൃതനാമം.
കേരളത്തിലെ ചില പ്രദേശങ്ങളില്‍ ഇതിന്റെ ഇല കുഞ്ഞുങ്ങളുടെ മലം കോരിക്കളയാന്‍ ഉപയോഗിച്ചിരുന്നു. തന്മൂലം തീട്ടപ്ലാവില എന്നൊരു പേര് തദ്ദേശങ്ങളില്‍ ഈ സസ്യത്തിന് ഉണ്ട്.
ധനുമാസത്തിലെ തിരുവാതിര നാളില്‍ ഒരുവേരന്റെ വേര് അരച്ച് അരിയോടോപ്പം ചേര്‍ത്ത് അട പുഴുങ്ങി സ്ത്രീകള്‍ കഴിച്ചിരുന്ന ഒരു രീതി ആചാരം പോലെ കേരളത്തിലെ ചില പ്രദേശങ്ങളില്‍ നില നിന്നിരുന്നു. ഈ ആചാരം കേരളത്തിലെ സ്ത്രീകളുടെ ആരോഗ്യസംരക്ഷണത്തില്‍ വഹിച്ചിരുന്ന പങ്കിനെക്കുറിച്ച് ഇന്ന് അധികമാരും അറിയുമെന്ന് തോന്നുന്നില്ല.
സ്വാമി നിര്‍മ്മലാനന്ദഗിരി മഹാരാജ് ഈ സസ്യത്തിന്റെ അര്‍ബുദാന്തകഗുണങ്ങളെക്കുറിച്ച് തികച്ചും ആധുനികമായ രീതിയില്‍ വളരെ വിശദമായ പഠനം നടത്തുകയും അര്‍ബുദചികിത്സയില്‍ ഈ സസ്യത്തെ ഉപയോഗപ്പെടുത്തുകയും ചെയ്തിട്ടുണ്ട്. ഈ പഠനം സംബന്ധിച്ച വിശദവിവരങ്ങള്‍ ലഭ്യമാണ്. [https://www.scribd.com/document/330937949]
[ഔഷധപ്രയോഗങ്ങള്‍]
1] ചെടിയുടെ തളിരിലകള്‍ തൊട്ടുരിയാടാതെ പറിച്ച്, കൈവെള്ള കൊണ്ട് വെള്ളം തൊടാതെ ഞെക്കിപ്പിഴിഞ്ഞ് നീര് എടുത്ത് കാലിന്‍റെ പെരുവിരലിന്റെ നഖത്തില്‍ നിര്‍ത്തിയാല്‍ അല്‍പസമയത്തിനുള്ളില്‍ കൊടിഞ്ഞിക്കുത്ത് അഥവാ മൈഗ്രയിന്‍ [Migraine] തലവേദന മാറും. വലതുവശത്താണ് വേദന എങ്കില്‍ ഇടത്തേ കാലിലും, ഇടതുവശത്താണ് വേദനയെങ്കില്‍ വലത്തേ കാലിലും ആണ് പുരട്ടേണ്ടത്. ഇല ചതച്ച് നഖത്തില്‍ വെച്ചുകെട്ടിയാലും ഫലം കിട്ടും. മുടങ്ങാതെ കുറച്ചുകാലം ചെയ്‌താല്‍ മൈഗ്രയിന്‍ പൂര്‍ണ്ണമായി ശമിക്കും എന്ന് അനുഭവസാക്ഷ്യം.
2] മൂര്‍ഖന്‍ പാമ്പ് കടിച്ചാല്‍ ഉടനെ ഒരുവേരന്റെ തളിരില പറിച്ചെടുത്ത് പശുവിന്‍ പാലില്‍ അരച്ച് നെല്ലിക്കാവലുപ്പത്തില്‍ ഉരുട്ടി കഴിച്ചാല്‍ വിഷം മാറും. മൂര്‍ഖന്‍ പാമ്പിന്‍റെ വിഷത്തിന്റെ കാര്യത്തില്‍ ഇത് പൂര്‍ണ്ണമായും ഫലപ്രദം ആണ്. മറ്റുള്ള പാമ്പുകള്‍ കടിച്ചാലും കുറവ് കിട്ടും. പൂര്‍ണ്ണമായി മാറില്ല
3] ഒരുവേരന്റെ വേര് അരിയോടൊപ്പം അരച്ച് അപ്പം ഉണ്ടാക്കി കഴിച്ചാല്‍ സെര്‍വിക്കല്‍ കാന്‍സര്‍ മാറും. ഏതെങ്കിലും സ്ത്രീയ്ക്ക് സെര്‍വിക്സില്‍ കാന്‍സര്‍ കണ്ടാല്‍ ഒരുവേരന്റെ വേര് 11 ദിവസം അട ഉണ്ടാക്കികൊടുത്താല്‍ രോഗം മാറും. 12 വയസ്സില്‍ കൂടുതല്‍ പ്രായമുള്ള എല്ലാ സ്ത്രീകള്‍ക്കും കഴിക്കാം.
4] പ്രസവശേഷം സ്ത്രീയ്ക്ക് ഒരുവേരന്റെ വേര് ഒരംഗുലം നീളത്തില്‍ മുറിച്ചുകൊണ്ടുവന്ന് അരി ചേര്‍ത്തരച്ച് അപ്പം ചുട്ടു കൊടുത്താല്‍ കോഷ്ഠശുദ്ധി ഉണ്ടാകും. ഇത് ഒരു പാരമ്പര്യരീതിയാണ്. പണ്ട് അങ്ങിനെ കഴിച്ച സ്ത്രീകളില്‍ സെര്‍വിക്കല്‍ കാന്‍സര്‍ ഉണ്ടാകാറില്ലായിരുന്നു.
5] ഒരുവേരന്‍ അരച്ച് നെല്ലിക്കാവലുപ്പത്തില്‍ ഉരുട്ടി പാലില്‍ ചേര്‍ത്തു കഴിച്ചാല്‍ H1N1 അണുബാധ മാറും. ഇല മാത്രമോ സമൂലമോ ഉപയോഗിക്കാം. കഷായം വെച്ചു കഴിച്ചാലും അണുബാധ മാറും
6] ഡെങ്കിപ്പനി, ചിക്കന്‍ഗുനിയ തുടങ്ങി ഒട്ടുമിക്ക അപകടകരമെന്നു കരുതുന്ന വൈറല്‍ പനികളിലും ഒരുവേരന്‍ അരച്ച് നെല്ലിക്കാവലുപ്പത്തില്‍ ഉരുട്ടി പാലില്‍ ചേര്‍ത്തു കഴിക്കാം. കിരിയാത്ത്, ദേവതാരം, കൊത്തമല്ലി, ചുക്ക് എന്നിവയുടെ കഷായം കഴിച്ചാലും വൈറല്‍ പനികള്‍ മാറും
7] ഒരു വേരന്റെ തളിരില കാട്ടുജീരകം ചേര്‍ത്ത് അരച്ച് നിത്യം സേവിച്ചാല്‍ പ്രമേഹം ശമിക്കും.
പലപ്പോഴും പറമ്പിലും വഴിയോരത്തും നില്‍ക്കുന്ന ചെടികളെ ഉന്മൂലനം ചെയ്യുമ്പോള്‍ നാം അറിയാറില്ല, നമ്മുടെ ആയുസ്സിനെ സംരക്ഷിക്കാന്‍ പ്രകൃതി കനിഞ്ഞു നല്‍കിയ ഔഷധങ്ങളാണ് അവയെന്ന്. ഒരുവേരന്റെ കാര്യത്തില്‍ ഇത് വളരെ ശരിയാണ്. ഒട്ടുമിക്ക അര്‍ബുദങ്ങളിലും അതീവഫലപ്രദമാണ് ഒരുവേരന്‍. സംരക്ഷിക്കുക.
ārōgyajīvanaṁ 