34 ¦ അപാമാര്‍ഗ ¦ കടലാടി ¦ Achyranthes Aspera

34 ¦ അപാമാര്‍ഗ ¦ കടലാടി ¦ Achyranthes Aspera
34 ¦ അപാമാര്‍ഗ ¦ കടലാടി ¦ Achyranthes Aspera

🌿 ഗര്‍ഭസംരക്ഷണത്തിന് അപാമാര്‍ഗ🌿

അപാമാര്‍ഗ്ഗ – അഥര്‍വ്വവേദാന്തര്‍ഗതമായി പ്രതിപാദിക്കപ്പെടുന്ന വനസ്പതി. രാക്ഷസങ്ങളും പിശാചങ്ങളുമായ ദൃഷ്ടാദൃഷ്ടകൃമികളില്‍ നിന്ന് രക്ഷനേടാന്‍ അതീവപ്രഭാവശാലിയായ അപാമാര്‍ഗാ വനസ്പതിയെ വൈദികി പ്രകീര്‍ത്തിക്കുന്ന സൂക്തങ്ങള്‍ അഥര്‍വ്വവേദം നാലാം കാണ്ഡത്തില്‍ കാണാം.
🌱 അപാമാര്‍ഗ ഓഷധീനാം സര്‍വാസാമേക ഇദ് വശീ|
തേന തേ മൃജ്മ ആസ്ഥിതമഥ ത്വമഗദശ്ചര | 🌱
.
🌾 अपामार्ग ओषधीनां सर्वासामेक इद् वशी | तेन ते मृज्म आस्थितमथ त्वमगदश्चर |🌾
.
हे अपामार्ग ओषधे ! आप समस्त ओषधियों को वशीभूत करनेवाली अकेली ओषधि हैं | हे रोगिन ! आपके रोगों को हम अपामार्ग ओषधी से दूर करते हैं ||
🍃 ഗര്‍ഭിണികള്‍ അപാമാര്‍ഗയുടെ വേര് മുറിച്ച് ചരടില്‍ കോര്‍ത്ത്‌ അരയില്‍ കെട്ടുന്ന ഒരു പതിവ് വടക്കേ ഇന്ത്യയില്‍ ഉണ്ട്. ഗര്‍ഭസംരക്ഷണത്തിന്‍റെ ഭാഗമായ ഒരു ആചാരമാണ് അത്. കൃതഹസ്തനായ ഒരു ആയുര്‍വേദ ആചാര്യനില്‍ നിന്ന് അറിയാന്‍ കഴിഞ്ഞത് പ്രസവവേദന അടുത്തെത്തുമ്പോള്‍ അപാമാര്‍ഗയുടെ വേര് മുറിച്ച് ചരടില്‍ കോര്‍ത്ത്‌ അരയില്‍ കെട്ടുന്നത് സുഖപ്രസവം സാധ്യമാക്കുന്നതായി അനുഭവം എന്നാണ്. കെട്ടുമ്പോള്‍ വേര് നാഭിയുടെ ഭാഗത്തായിരിക്കാന്‍ ശ്രദ്ധിക്കണം. പ്രസവശേഷം അഴിച്ചു മാറ്റുകയും വേണം. അന്ധവിശ്വാസികള്‍ക്ക് ശ്രമിച്ചു നോക്കാം. പ്രത്യേകിച്ച് ധനനഷ്ടമൊന്നും ഉണ്ടാക്കുന്ന പരിപാടി അല്ല. ഗുണമുണ്ടായാല്‍ അറിയിക്കാന്‍ മറക്കരുത്, ആചാര്യനെ അറിയിക്കാനാണ്. അപാമാര്‍ഗ്ഗയോടു നന്ദിയുള്ളവരുമായിരിക്കാം.
☘️ ശ്വാസകോശസംബന്ധിയായ രോഗങ്ങള്‍, കഫക്കെട്ട്, ആസ്ത്മ ഒക്കെ അലട്ടുമ്പോള്‍ അപാമാര്‍ഗ്ഗയുടെ പഞ്ചാംഗങ്ങള്‍ ഉണക്കി ചുരുട്ടോ മറ്റോ ഉണ്ടാക്കി പുക വലിച്ചാല്‍ പെട്ടന്ന് രോഗശമനം കിട്ടും. അപാമാര്‍ഗ്ഗയുടെ പഞ്ചാംഗങ്ങള്‍ കത്തിച്ചുണ്ടാക്കുന്ന ഭസ്മം, അപാമാര്‍ഗ്ഗയുടെ ക്ഷാരം എന്നിവ സേവിക്കുന്നതും അതീവഫലപ്രദം.
🌱 സ്ത്രീപ്രജകള്‍ പ്രത്യേക കാരണങ്ങള്‍ വെളിപ്പെടാതെ ഗര്‍ഭം ധരിക്കാനാവാതെ വിഷമിക്കുമ്പോള്‍ അപാമാര്‍ഗ്ഗ സഹായകരമായേക്കാം. വൃത്തിയും വെടിപ്പും ഉള്ള ഇടങ്ങളില്‍ വളരുന്ന അപാമാര്‍ഗ്ഗയുടെ വനസ്പതി തേടിപ്പിടിച്ച്, തൊട്ടുരിയാടാതെ പറിച്ചെടുത്ത്, വേരും ഇലകളും എടുത്ത് വൃത്തിയാക്കി ചതച്ച്, ശുദ്ധമായ പശുവിന്‍പാലില്‍ ഇട്ടു സാവധാനം വേവിച്ച് ആര്‍ത്തവദിനങ്ങളില്‍ മൂന്നോ നാലോ മാസം സേവിച്ചാല്‍ ആ സ്ത്രീപ്രജ ഗര്‍ഭധാരണത്തിനു യോഗ്യയാകും. ഈ അവസ്ഥയില്‍ പ്രാണായാമം പരിശീലിക്കുന്നത് നന്ന്.
🍀 ഗര്‍ഭാശയത്തിലും യോനിയിലും ഉണ്ടാകുന്ന അണുബാധ, വീക്കം, മുറിവുകള്‍ തുടങ്ങിയ സ്ത്രൈണരോഗങ്ങളില്‍ അപാമാര്‍ഗ്ഗയുടെ ഇല അരച്ചു വൈദ്യസഹായത്തോടെ പുരട്ടുകയും അപാമാര്‍ഗ്ഗയുടെ ഇല ചതച്ചിട്ടു വെന്ത വെള്ളം കൊണ്ട് ക്ഷാളനം ചെയ്യുകയും ചെയ്‌താല്‍ ക്ഷിപ്രം രോഗശമനമുണ്ടാകും. സ്ത്രീപ്രജകളിലെ രക്തപ്രദരത്തിനും ഈ ഔഷധം ഉത്തമം.
🍃 അപാമാര്‍ഗ കേരളത്തില്‍ അറിയപ്പെടുന്നത് കടലാടി എന്നാണ്. വന്‍കടലാടി, ചെറുകടലാടി എന്ന് രണ്ടു സസ്യങ്ങള്‍ കേരളത്തില്‍ ഉണ്ട്. ഇവിടെ പറയുന്ന സസ്യം വന്‍കടലാടിയാണ്. ചെറുകടലാടിയും ഉപയോഗിക്കാം.
🍃 ഔഷധങ്ങള്‍ ഉപയോഗിക്കേണ്ടത് വൈദ്യനിര്‍ദ്ദേശമനുസരിച്ചു മാത്രം എന്ന് പ്രത്യേകം ശ്രദ്ധിക്കണം.
#arogyajeevanam #urmponline
🌱🌱☘️☘️🍀🍀🍃🍃🌿🌾🌱🌱☘️☘️🍀🍀🍃🍃🌿🌾
Advertisements

206 | ഗര്‍ഭരക്ഷ – ഒന്നാം മാസം | PREGNANCY CARE – FIRST MONTH

ഇരട്ടിമധുരം, ചെറുതേക്കിന്‍വേര്, അടപതിയന്‍ കിഴങ്ങ്, ദേവതാരം ഇവ സമം ചേര്‍ത്തു പാല്‍ക്കഷായം വെച്ചു രാവിലെയും വൈകിട്ടും സേവിക്കുക. പാല്‍ക്കഷായം ഉണ്ടാക്കുന്ന രീതി: മരുന്നുകള്‍ സമമെടുത്ത് ആകെ 60 ഗ്രാം, ചെറുതായി മുറിച്ച്, ചതച്ച്, തുണി കൊണ്ടു കിഴി കെട്ടി 300 മില്ലി-ലിറ്റര്‍ പശുവിന്‍പാലും ഒരു ലിറ്റര്‍ വെള്ളവും ചേര്‍ത്തു കാച്ചി പാലളവാക്കി, കിഴി പിഴിഞ്ഞു മാറ്റി, രാവിലെയും വൈകിട്ടും 150 മില്ലി-ലിറ്റര്‍ വീതം കഴിക്കണം. ഒരു നേരത്തേക്ക് 30 ഗ്രാം മരുന്നും, 150 മില്ലി-ലിറ്റര്‍ പാലും, അര ലിറ്റര്‍ വെള്ളവും ഉപയോഗിക്കാം. ഒരു മാസം 28 ദിവസം എന്നെടുക്കണം. പത്തു മാസം 280 ദിവസം.

206 | ഗര്‍ഭരക്ഷ - ഒന്നാം മാസം | PREGNANCY CARE - FIRST MONTH
206 | ഗര്‍ഭരക്ഷ – ഒന്നാം മാസം | PREGNANCY CARE – FIRST MONTH

59 | ഗര്‍ഭരക്ഷയ്ക്കുള്ള പാല്‍ക്കഷായങ്ങള്‍

L04 | ഗര്‍ഭിണിയുടെ ആഹാരം | FOOD FOR PREGNANT

  • തൈര് ദിവസവും കഴിക്കരുത്.
  • തൈര് രാത്രിയില്‍ കഴിക്കരുത്.
  • തൈര് ചൂടാക്കി കഴിക്കരുത്.
  • തൈര് മാത്രമായി കഴിക്കരുത്.
  • ഉഴുന്ന്, ചേമ്പ്, ചേന എന്നിവ ദിവസവും കഴിക്കരുത്.
  • കപ്പ തിളപ്പിച്ച്‌ കട്ട് കലര്‍ന്ന വെള്ളം ഊറ്റിക്കളയാതെ കഴിക്കരുത്.
  • പൈനാപ്പിള്‍, പപ്പായ എന്നിവ കഴിക്കരുത്.
  • ചെമ്പരത്തി ആഹാരത്തിലും മരുന്നിലും ഉണ്ടാവാതെ നോക്കണം – താളിയായി തലയില്‍ തേക്കാന്‍ പോലും ഉപയോഗിക്കരുത്.
  • ജീരകം കുറഞ്ഞത്‌ ആദ്യത്തെ ആറു മാസം ഉപയോഗിക്കരുത്.
  • തുളസിയില, കൂവളത്തിന്‍റെ ഇല എന്നിവ കഴിക്കരുത്.
  • പുന്നെല്ലിന്‍റെ അരി കഴിക്കരുത്.
  • മുതിര കഴിക്കരുത്.
  • പിഞ്ചു മുള്ളങ്കി കഴിക്കരുത്.
FOOD FOR PREGNANT
FOOD FOR PREGNANT