നിലപ്പനക്കിഴങ്ങ്‌, ശതാവരിക്കിഴങ്ങ്‌, ഏകനായകവേരിന്മേല്‍ത്തൊലി, അടപതിയന്‍ കിഴങ്ങ്, പാഠക്കിഴങ്ങ്‌, വിഴാലരി, ഇരട്ടിമധുരം, കരിഞ്ചീരകം, എന്നിവ ഓരോ പലം വീതം. ജീരകം രണ്ടു പലം. മായക്കാ, ഗ്രാമ്പൂ, ഉലുവ എന്നിവ ഒരു കഴഞ്ചു വീതം. എല്ലാം കൂടി എട്ടിടങ്ങഴി മോരില്‍ വറ്റിച്ചുണക്കിപ്പൊടിച്ചു നാലു പലം പഞ്ചസാര ചേര്‍ത്ത് രണ്ടു നേരം വീതം നാല്‍പ്പത്തിയൊന്നു ദിവസം മുടങ്ങാതെ കഴിച്ചാല്‍ മൂലരോഗങ്ങള്‍ ഇരുപത്തിയെട്ടും മാറും.
ഒരു നേരം അഞ്ചു ഗ്രാം മുതല്‍ പതിനഞ്ചു ഗ്രാം വരെ കഴിക്കാം.
അര്‍ശസ്/പൈൽസ്, ഫിസ്റ്റുല, ഫിഷർ അങ്ങനെയുള്ള എല്ലാ മൂലരോഗങ്ങളിലും ഈ ഔഷധം ഫലപ്രദമാണ്.
ārōgyajīvanaṁ 