L05 – രാസപാനീയങ്ങള്‍ എന്ന വിപത്ത്

ഇന്ന് വിപണിയില്‍ വാങ്ങാന്‍ കിട്ടുന്ന ബഹുരാഷ്ട്രക്കുത്തകകള്‍ അടക്കം വിപണനം ചെയ്യുന്ന കോളകള്‍ അടക്കമുള്ള ഒട്ടു മിക്ക ലഘുപാനീയങ്ങളിലെയും ഒരു ചേരുവ ആണ് ACIDITY REGULATOR (338). 338 അല്ലെങ്കില്‍ E338 എന്ന ഗൂഢഭാഷാപദം സൂചിപ്പിക്കുന്നത് PHOSPHORIC ACID (ഫോസ്‌ഫോറിക് ആസിസ്) എന്ന തീവ്രഅമ്ലതയുള്ള ദ്രാവകത്തെ ആണ്. ലഘുപാനീയത്തില്‍ ചേര്‍ത്തിരിക്കുന്ന അതിമധുരം അറിയാതിരിക്കാനാണത്രേ ഈ അമ്ലം (ആസിഡ്) ചേര്‍ക്കുന്നത്.
കൂടുതല്‍ സമയം വായിലെ പല്ലുകളുമായി സമ്പര്‍ക്കം പുലര്‍ത്തിയാല്‍ ഈ അമ്ലം ചേര്‍ന്ന ദ്രാവകത്തിന് പല്ലുകളെ ദ്രവിപ്പിക്കാന്‍ കഴിയും. ആന്തരാവയവങ്ങളില്‍ ഇത്തരം ദ്രാവകങ്ങള്‍ക്ക് ഉണ്ടാക്കാന്‍ പറ്റുന്ന നാശങ്ങളെപ്പറ്റി പൊതുവേ എല്ലാവര്‍ക്കും അറിയാം. എന്നിട്ടും ഇത്തരം ദ്രാവകങ്ങള്‍ പാനീയമായി ഉപയോഗിക്കപ്പെടുന്നു. രക്തത്തില്‍ കലരുന്ന ഈ അമ്ലത്തെ വേര്‍തിരിക്കാന്‍ നമ്മുടെ വൃക്കകള്‍ അസ്ഥികള്‍ക്ക് ആവശ്യം വേണ്ട കാത്സ്യവുമായി ചേര്‍ത്ത് ലവണമാക്കി പുറന്തള്ളുന്നു. അസ്ഥികളില്‍ രന്ധ്രങ്ങള്‍ ഉണ്ടാകാന്‍ ഇത് കാരണമാകാം. “osteoporosis” അഥവാ “അസ്ഥിക്ഷയം” എന്ന രോഗാവസ്ഥ ഉണ്ടാകാനുള്ള സാധ്യത അങ്ങനെ ഏറുന്നു.

രാസവസ്തുക്കള്‍ ചേര്‍ന്ന പാനീയങ്ങള്‍ ഒഴിവാക്കുന്നതാണ് ആരോഗ്യത്തിന് നല്ലത്.

carbonated drinks
carbonated drinks
Advertisements