പഴുത്ത കൂവളക്കായയുടെ മജ്ജ ഒരു നേരം വീതം ഒരാഴ്ച മുടങ്ങാതെ സേവിച്ചാൽ ഉദരകൃമികൾ നശിക്കും.
മാതളപ്പട്ട ചതച്ചു കഷായം വെച്ച് അര ഔൺസ് വീതം ദിവസം രണ്ടു നേരം സേവിച്ചാൽ വിരശല്യം ശമിക്കും.
ഉദരകൃമി ശമിക്കാൻ മറ്റൊരു ഫലപ്രദമായ പ്രയോഗം : പച്ചപ്പപ്പായ തൊലിയും കുരുവും കളഞ്ഞ് കഴിക്കുക.1
തുമ്പയുടെ ഇലയും പൂവും കൂടി ഇടിച്ചു പിഴിഞ്ഞെടുത്ത ചാറിൽ അല്പം പാൽക്കായം ചേർത്ത് രണ്ടോ മൂന്നോ നേരം കൊടുത്താൽ കുഞ്ഞുങ്ങൾക്കുണ്ടാകുന്ന വിരകോപം ശമിക്കും.
വേപ്പില ചതച്ച് പിഴിഞ്ഞെടുത്ത നീരിൽ ഉപ്പ് ചേർത്ത് സേവിച്ചാൽ കൃമിശല്യം ശമിക്കും.
കുട്ടികൾക്ക് കൊക്കോപ്പുഴു ബാധിച്ചാൽ എത്ര നല്ല ആഹാരം കഴിച്ചാലും ശരീരം നന്നാവില്ല. ഈ അവസ്ഥയിൽ, മുരിങ്ങയില ചതച്ചു പിഴിഞ്ഞ് നീരെടുത്ത് ഒരു ഔൺസ് നീരിൽ ഒരു ടീസ്പൂൺ തേൻ ചേരത്ത് മൂന്നു നാലു ദിവസം സേവിപ്പിച്ചാൽ കൊക്കോപ്പുഴുവിന്റെ ഉപദ്രവം ശമിക്കും.
