396 |ഉദരകൃമികള്‍ |വിരശല്യം

പഴുത്ത കൂവളക്കായയുടെ മജ്ജ ഒരു നേരം വീതം ഒരാഴ്ച മുടങ്ങാതെ സേവിച്ചാൽ ഉദരകൃമികൾ നശിക്കും.

മാതളപ്പട്ട ചതച്ചു കഷായം വെച്ച് അര ഔൺസ് വീതം ദിവസം രണ്ടു നേരം സേവിച്ചാൽ വിരശല്യം ശമിക്കും.

ഉദരകൃമി ശമിക്കാൻ മറ്റൊരു ഫലപ്രദമായ പ്രയോഗം : പച്ചപ്പപ്പായ തൊലിയും കുരുവും കളഞ്ഞ് കഴിക്കുക.1

തുമ്പയുടെ ഇലയും പൂവും കൂടി ഇടിച്ചു പിഴിഞ്ഞെടുത്ത ചാറിൽ അല്പം പാൽക്കായം ചേർത്ത് രണ്ടോ മൂന്നോ നേരം കൊടുത്താൽ കുഞ്ഞുങ്ങൾക്കുണ്ടാകുന്ന വിരകോപം ശമിക്കും.

വേപ്പില ചതച്ച് പിഴിഞ്ഞെടുത്ത നീരിൽ ഉപ്പ് ചേർത്ത് സേവിച്ചാൽ കൃമിശല്യം ശമിക്കും.

കുട്ടികൾക്ക് കൊക്കോപ്പുഴു ബാധിച്ചാൽ എത്ര നല്ല ആഹാരം കഴിച്ചാലും ശരീരം നന്നാവില്ല. ഈ അവസ്ഥയിൽ, മുരിങ്ങയില ചതച്ചു പിഴിഞ്ഞ് നീരെടുത്ത് ഒരു ഔൺസ് നീരിൽ ഒരു ടീസ്പൂൺ തേൻ ചേരത്ത് മൂന്നു നാലു ദിവസം സേവിപ്പിച്ചാൽ കൊക്കോപ്പുഴുവിന്റെ ഉപദ്രവം ശമിക്കും.

Advertisements

284 | ഉദരകൃമികള്‍ | PARASITIC WORMS

  • മുയല്‍ച്ചെവിയന്‍റെ വേരും നവരയരിയും ചേര്‍ത്ത് അട ചുട്ടുകൊടുത്താല്‍ ഉദരകൃമികള്‍ ഇളകിപ്പോകും.
  • ദേവതാരം, പൂവാംകുറുന്തല്‍, മുരിങ്ങവേര്, ത്രിഫല ഇവ കഷായം വെച്ച് തിപ്പലിയും കാട്ടുപയറും പൊടിച്ചിട്ട് കൊടുത്താല്‍ കൃമികള്‍ മാറും.
  • വിഷ്ണുക്രാന്തി കാടിവെള്ളത്തില്‍ അരച്ചു വയറ്റത്തിട്ടാല്‍ വയറ്റിലെ കൃമികള്‍ പോകും.
284 | ഉദരകൃമികള്‍ | PARASITIC WORMS
284 | ഉദരകൃമികള്‍ | PARASITIC WORMS

251 | കൃമി / വിരശല്യം | WORM INFECTION

കുട്ടികളില്‍ സര്‍വ്വസാധാരണമായി ഉണ്ടാകുന്ന ഒരു രോഗമാണ് കൃമിശല്യം.
രാത്രികാലങ്ങളില്‍ മലദ്വാരത്തിനു ചുറ്റുമുണ്ടാകുന്ന അസഹ്യമായ ചൊറിച്ചിലാണ് കൃമിബാധയുടെ പ്രധാന ലക്ഷണം. ചിലപ്പോള്‍ വ്രണങ്ങളുണ്ടാകുന്നു. കൃമിബാധയുടെ കാഠിന്യം അനുസരിച്ച് അസ്വസ്ഥതകള്‍ കൂടുന്നു. ശുചിത്വമില്ലായ്മയാണ് കൃമിശല്യത്തിന്‍റെ പ്രധാനകാരണം.

കുട്ടികളിലെ കൃമിശല്യം മാറാന്‍ അനേകം ഗൃഹവൈദ്യമാര്‍ഗ്ഗങ്ങള്‍ ഉണ്ട്. കൃമിശല്യം ഉള്ളപ്പോള്‍ തൈര്, പാല്‍, ശര്‍ക്കര എന്നിവ ഒഴിവാക്കണം.

  • തുമ്പ ഇടിച്ചു പിഴിഞ്ഞെടുത്ത നീര് തേന്‍ ചേര്‍ത്തു കഴിക്കുക.
  • തുമ്പക്കുടവും തുളസിവിത്തും സമം ചേര്‍ത്തരച്ചു തേനില്‍ ചേര്‍ത്തു കഴിക്കുക.
  • തുമ്പക്കുടം ഉറങ്ങാന്‍ പോകും മുന്‍പ് കുട്ടിയുടെ ഗുദത്തില്‍ വെയ്ക്കുക – കൃമികള്‍ പുറത്തേയ്ക്കിറങ്ങി വരും.
  • പപ്പായയുടെ കറ പപ്പടത്തില്‍ ഇറ്റിച്ച് ഉണക്കി, ചുട്ടു കഴിക്കുക.
  • വിഴാലരി പൊടിച്ചത് മോരില്‍ ചേര്‍ത്തോ, അഷ്ടചൂര്‍ണ്ണത്തോടൊപ്പം തേന്‍ ചേര്‍ത്തോ കഴിക്കുക.
  • വിഴാലരി മോരില്‍ പുഴുങ്ങി അരച്ച്, മോരില്‍ തന്നെ കലക്കി തിളപ്പിച്ച്‌, ചെറുചൂടോടെ കഴിക്കുക.
  • പാവയ്ക്കാനീര് 10 മില്ലി, സമം നല്ലെണ്ണ ചേര്‍ത്ത് കഴിക്കുക.
  • കൃമിഘ്നവടിക നല്ലതാണ്. ഒരാഴ്ച ദിവസം ഓരോ ഗുളിക വെച്ചു കഴിച്ച ശേഷം വയറിളക്കണം.
  • ചന്ദ്രശൂരാദികഷായം നല്ലതാണ്.
251 | കൃമി / വിരശല്യം | WORM INFECTION
251 | കൃമി / വിരശല്യം | WORM INFECTION

212 | ഉദര കൃമികള്‍ | Intestinal Parasites

ഉദരകൃമികളെ ഉച്ചാടനം ചെയ്യുന്നതിന്, രാത്രി ഉറങ്ങുന്നതിനു മുന്‍പ്, എരിക്കിന്‍റെ വേര് അരച്ചു വയറ്റത്തിട്ട്, ഒരു കപ്പ് ചൂടുവെള്ളം കുടിച്ച് കിടന്നുറങ്ങുക. അടുത്ത ദിവസം രാവിലെ വയറിളക്കുക. കൃമി സമ്പൂര്‍ണ്ണമായി പോകും.

212 | ഉദര കൃമികള്‍ | Intestinal Parasites
212 | ഉദര കൃമികള്‍ | Intestinal Parasites

89 | വിരശല്യം | WORMS

പഴുക്കാത്ത പപ്പായയുടെ തൊലി നേരിയ കനത്തില്‍ ചീകി കളഞ്ഞ്, മുറിച്ച് കുരു കളഞ്ഞ്, ചെറിയ കഷണങ്ങളാക്കി മുറിച്ച്, വെള്ളത്തിലിട്ട് പുഴുങ്ങി, ആ വെള്ളം ദിവസേന പല തവണ കുടിക്കുക. വിരശല്യം മാറും.

ശ്രദ്ധിക്കുക:

1 | കുരുവില്ലാത്ത പപ്പായ ഉപയോഗിക്കരുത്.
2 | തൊലി നേരിയ കനത്തില്‍ മാത്രമേ നീക്കാവൂ.
3 | തൊലി കളഞ്ഞ ശേഷം പപ്പായ കഴുകരുത്‌.

FOR WORMS
FOR WORMS

Note: Please consult a registered Ayurveda practitioner before trying this preparation. This is for informational purpose only.

88 | കുട്ടികളിലെ വിരശല്യം | WORMS

പച്ചപപ്പായയുടെ കറ (പാല്‍) ഈര്‍ക്കില്‍ കൊണ്ട് കുത്തിയെടുത്ത് പപ്പടത്തില്‍ ഇറ്റിച്ച് ഉണക്കുക. ആ പപ്പടം തീക്കനലില്‍ ചുട്ട് തിന്നാല്‍ കൊടുത്താല്‍ കുട്ടികളിലെ വിരശല്യം മാറും.

FOR WORMS
FOR WORMS

Note: Please consult a registered Ayurveda practitioner before trying this preparation. This is for informational purpose only.

23 | കുട്ടികളില്‍ ഉണ്ടാകുന്ന കൃമിശല്യം (വിര) | WORMS

തുമ്പക്കുടം, തുളസിവിത്ത് ഇവ സമം ചേര്‍ത്തരച്ച് തേനില്‍ കഴിക്കാന്‍ കൊടുത്താല്‍ കൃമിശല്യം മാറും.

തുമ്പക്കുടം ഉറങ്ങാന്‍ പോകും മുന്‍പ് കുട്ടിയുടെ ഗുദത്തില്‍ വെച്ചാല്‍ കൃമികള്‍ പുറത്തേയ്ക്ക് വരും.

Note : Please consult a registered Ayurveda practitioner before trying this preparation. This is for informational purpose only

FOR WORMS IN KIDS
FOR WORMS IN KIDS